Ҳамасола дар ҷумҳурӣ бахшида ба Рӯзи ҷавонон охири ҳафтаи сеюми моҳи май бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон мусобиқаи “Дави миллӣ” баргузор мегардад.

Имсол мусобиқаи мазкур 21–уми май, соати 7:00 дар шаҳри Душанбе доир мегардад. Сабқат дар масофаҳои 3,5-10 км аз маҳаллаи Чорбоғ оғоз гашта, то “Наврӯзгоҳ”-и пойтахт идома меёбад.

Ин мусобиқаи варзишӣ анъанавӣ буда, он бо иштироки васеи аҳолӣ дар тамоми қаламрави кишвар сурат мегирад.

Дар ин рӯз мусобиқаи велосипедронӣ ҳам дар масофаҳои гуногун миёни варзишгарони наврасу ҷавон ва бузургсолон сурат мегирад. Ғолибони 6 зинаи аввалро туҳфаҳои идонаи Федератсияи велосипедронӣ интизор аст.

Яҳё МАҲМАДНАБИЕВ, “ҶТ”