ВАРЗИШ
Шанбе 19 Июл 2025 07:36
Сарвар Ҳамидов ҳамагӣ чанд рӯз қабл, аниқтараш 22 июн дар доираи мусобиқаи “Bellator Champions Series 3” дар Дуб-лин дар варзиши муҳорибаҳои омехта пирӯзии навбатиашро ба даст овард. Дар доираи қувваозмоӣ (кардҳо)-и пешакӣ варзишгари тоҷик дар вазни 61,2 кг намояндаи Бразилия Марсирли Алвес да Силва (11:3)-ро мағлуб кард. Ҳамаи доварон ба пирӯзии ӯ овоз доданд.
Ба туфайли ин пирӯзӣ Сарвар Ҳамидови 27-сола дар мусобиқаҳои касбиёни ММА омори хуб дорад. Ӯ дар ҳамаи 16 қувваозмоиаш, аз ҷумда дар сетоаш таҳти сарпарастии “Bellator” пирӯзӣ ба даст овардааст. Вобаста ба ин пирӯзӣ ва атрофи корномаи варзишиаш бо ӯ суҳбате анҷом додем, ки фишурдааш пешкаши хонанда мегардад.
- Сарвар, намояндагони ММА бештар дар Тайланд ва Амрико ба мусобиқаҳо омодагӣ мебинанд, аммо шумо аксар вақт дар Ҷумҳурии Олтой ба мусобиқаҳо омода мешудед. Барои охирин рақобати хеш тамринҳоро дар куҷо гузаронидед?
- Тайёрии худро барои мусобиқаи охирам дар Узбекистон, шаҳри Тошканд дар толори варзишии “Файт База” гузарондам. Се рақобате, ки дар “Беллатор” гузаронидам, омодагиҳо маҳз дар ҳамин толор мегузашт. Дар мавриди он, ки чаро барои рақобатҳои қаблӣ дар Олтой омода мешудам, чун он ҷо таҳсил мекардам ва омодагӣ ба рақобатҳо бароям мусоид буд.
- Ҳарифи шумо дар охирин рақобат Марсирли Алвес да Силваи бразилӣ буд. Рақобат чӣ гуна гузашт? Аз маҳорати Алвес огоҳӣ доштед?
- Рақибам қариб ҳамаи рақобатҳояшро пеш аз муҳлат тариқи нокаут ба анҷом расонида буд. Аз ин хотир, ӯро нодида гирифта намешуд. Бале, ман рақобатҳояшро тамошо карда, ӯро хуб омӯхтам ва кӯшиш кардам бо ӯ бештар дар замин кор кунам. Ҳамин усул ба ман кӯмак кард ва рақибро дар замин хаста кардаму кор ба нафъи ман анҷом ёфт.
- Моҳи майи соли гузашта дар набарди дуввуми худ дар “Беллатор”-и Париж Кевин Петшаири фаронсавиро дар пайти аввал шикаст додед. Рақибро дар ватани худаш шикаст додан чӣ ҳиссиёт дошт?
- Вақте ғалаба менамоӣ, ҳиссиёт ҳамон замон хуб мешавад. Аммо новобаста аз оне ки рақибам аз Фаронса буд ва мусобиқа дар ватанаш баргузор мегашт, ин бароям муҳим набуд. Чизи аз ҳама муҳим ғалаба кардан буд ва хушбахтона он рақобатро ҳам бо ғалаба ба анҷом расонидам.
- Як бор барои ба Амрико рафтанатон ба шумо раводид (виза) надоданд. Сабаб чӣ буд? Шумо барои тамрин мехостед равед ва ё барои гузаронидани ягон рақобат?
- Сабаби ба ман раводид надоданро худам ҳам намедонам, лекин дар ҳуҷҷатҳо ягон камбудӣ набуд. Мо ба Амрико барои гузаронидани рақобат мерафтем, мутаассифона ин ба ман даст надод. Дар оянда ҳаракат мекунем, ки раводиди Амрикоро ба даст орам, чун бароям бисёр зарур аст.
- Умуман, дар ММА задухӯрдҳо чӣ гуна ташкил карда мешаванд? Оё ҳама чизро роҳбарон муайян мекунанд ё фикри шумо низ ба инобат гирифта мешавад?
- Рақобатро менеҷерҳо бо ташкилоте, ки он ҷо рақобат мекунам, мувофиқа мекунанд ва ба мо занг зада огоҳ менамоянд, ки рақиби шумо фалон нафар аст. Дар ин ҷо фикри варзишгар ҳам ба инобат гирифта мешавад. Аммо дар аксар маврид варзишгарон агар ҷароҳат надошта бошанд, рақобатро қабул мекунанд.
- Барои ба як рақобат тайёрӣ дидан, чанд моҳ зарур аст?
- Вақте рақиб муайян шуд, ба мо вақт медиҳанд, ки худро омода кунем ва омодагии мо 2-3 моҳ вақтро мегирад. Фикр мекунам дар ин фосилаи вақт агар хоҳишат бошад, пурра омода шуда метавонӣ.
- Дар кадом рақобати “Беллатор”, ки шумо он ҷо се рақобат гузаронидед, аз ҳариф тарс доштед?
- Агар тарс медоштам ба рақобат намебаромадам. Ман таҷриба дорам. Албатта, изтироб рӯй медиҳад, аммо кӯшиш мекунам, ки онро назорат кунам. Вақте ки шумо ба ҳашткунҷа мебароед, бояд ҳама ҳиссиёту ҳаяҷонро фурӯ нишонед, агар не, коратон тамом.
- То ҳол шумо дар 16 муборизаи касбӣ 16 ғалаба доред. Аз 16 рақибе, ки мағлуб намудед, кадомаш хатарноктар буд?
- Ҳамаашон хатарнок буданд, аммо дар аввалин рақобатам аз ҳисоби камтаҷрибагӣ наздик буд шикаст мехӯрдам. Дигар рақибонро агар гӯям, ки ба осонӣ шикаст додаам, хато намекунам.
- Дар ягон рақобат фикр кардед, ки мағлуб мешавед?
- Вақте ба майдон мебароям, ҳамеша ба ғалаба фикр мекунам. Тавре дар боло ҳам қайд кардам, рақобати аввалинам бисёр хатарнок гузашта буд. Он ҷо ин фикр ба сарам омад - “корам бо ҳамин тамом”.
- Умуман, шумо фаъолияти варзишии худро аз гӯштини тарзи озод оғоз кардаед, аммо чӣ шуд, ки ба ММА гузаштед?
- Соли 2016 ба Русия ба шаҳри Барнаул бо нияти донишҷӯ шудан, парвоз кардам. Аз сабаби он ки дар ин шаҳр ягон толор барои тамрини гӯштини тарзи озод набуд, тамринро дар риштаи ММА оғоз кардам. Баъдтар ин ришта писандам омад ва шуруъ аз ҳамон сол дар мусобиқаҳо иштирок карданро оғоз кардам. Пушаймон нес-там, ки ба ММА гузаштам.
- Аз гӯштини тарзи озод чӣ дастовардҳо доред?
- Дар гӯштини тарзи озод дастовардҳо кам аст, аммо ин намуди варзиш то ба ҳол дар рақобатҳо бароям кӯмак мекунад.
- Ба Барнаул на барои тамрин, балки барои таҳсил рафтед. Таҳсилатон чӣ шуд?
- Бале, он ҷо барои таҳсил рафтам ва хушбахтона таҳсилро дар риштаи иқтисод ва менеҷменти Донишгоҳи давлатии Олтой хатм кардам.
- Ҷароҳати маъмулӣ дар гӯштин ва ММА шикастани гӯшҳост ва тавре мебинам гӯшҳои шумо ҳам шикас-таанд. Вақти тамрин гӯшатон шикаст ва ё дар рақобат?
- Гӯшҳоям ҳанӯз замони кӯдак буданам, вақте ки аз навъи гӯштини тарзи озод машқ мекардам, шикаста буданд.
- Дуруст аст, ки шумо дар як мусобиқае дар Новоалтайск вақте рақибро мезанед, ӯро бо мошини ёрии таъҷилӣ мебаранд. Ин ҳодиса чӣ гуна рӯй дод?
- Не ин нодуруст аст, аммо мошини ёрии таъҷилиро фарёд карданд, чун ҳолати рақибам бисёр бад шуд. Баъдан ҳамааш ба хубӣ анҷом ёфт.
- Аксар варзишгарон барои қаҳрамон шудан, маблағ кор кардан ва маъруф шудан ба ММА машғул мешаванд. Ҳадафи шумо чист?
- Ҳадафи ман ин соҳиби камарбанд шудан ва муаррифии миллатам мебошад.
- Шумо дар вазнкашии пеш аз рақобатҳоятон бо рақибон бисёр меҳрубонед. Чаро мисли дигар варзишгарони ММА ҳангомасозӣ намекунед?
- Ман дар оила ҳамин хел тарбият ёфтаам. Падару модар ва устодам чунин тарбият кардаанд, ки бояд ҳамаро эҳтиром кунам. Наметавонам ҳангомасозӣ кунам. Парчами давлатамонро, халқи худро бо сухан не, балки бо рафтору кирдорам муаррифӣ кардан мехоҳам.
- Аксари варзишгарони ММА мехоҳанд ба ташкилоти бонуфузи UFC шартнома банданд. Ният надоред, ки бо ин ташкилот шартнома бандед?
- Нияти ба UFC рафтан дорам, лекин аввал мехоҳам камарбанди “Bellator”-ро гирам, баъдан ба UFC гузарам.
- Чӣ орзуву ҳавас доред?
- Мехоҳам бебохт боқӣ монам. Тамом.
Яҳё МАҲМАДНАБИЕВ, “ҶТ”
Ба туфайли ин пирӯзӣ Сарвар Ҳамидови 27-сола дар мусобиқаҳои касбиёни ММА омори хуб дорад. Ӯ дар ҳамаи 16 қувваозмоиаш, аз ҷумда дар сетоаш таҳти сарпарастии “Bellator” пирӯзӣ ба даст овардааст. Вобаста ба ин пирӯзӣ ва атрофи корномаи варзишиаш бо ӯ суҳбате анҷом додем, ки фишурдааш пешкаши хонанда мегардад.
- Сарвар, намояндагони ММА бештар дар Тайланд ва Амрико ба мусобиқаҳо омодагӣ мебинанд, аммо шумо аксар вақт дар Ҷумҳурии Олтой ба мусобиқаҳо омода мешудед. Барои охирин рақобати хеш тамринҳоро дар куҷо гузаронидед?
- Тайёрии худро барои мусобиқаи охирам дар Узбекистон, шаҳри Тошканд дар толори варзишии “Файт База” гузарондам. Се рақобате, ки дар “Беллатор” гузаронидам, омодагиҳо маҳз дар ҳамин толор мегузашт. Дар мавриди он, ки чаро барои рақобатҳои қаблӣ дар Олтой омода мешудам, чун он ҷо таҳсил мекардам ва омодагӣ ба рақобатҳо бароям мусоид буд.
- Ҳарифи шумо дар охирин рақобат Марсирли Алвес да Силваи бразилӣ буд. Рақобат чӣ гуна гузашт? Аз маҳорати Алвес огоҳӣ доштед?
- Рақибам қариб ҳамаи рақобатҳояшро пеш аз муҳлат тариқи нокаут ба анҷом расонида буд. Аз ин хотир, ӯро нодида гирифта намешуд. Бале, ман рақобатҳояшро тамошо карда, ӯро хуб омӯхтам ва кӯшиш кардам бо ӯ бештар дар замин кор кунам. Ҳамин усул ба ман кӯмак кард ва рақибро дар замин хаста кардаму кор ба нафъи ман анҷом ёфт.
- Моҳи майи соли гузашта дар набарди дуввуми худ дар “Беллатор”-и Париж Кевин Петшаири фаронсавиро дар пайти аввал шикаст додед. Рақибро дар ватани худаш шикаст додан чӣ ҳиссиёт дошт?
- Вақте ғалаба менамоӣ, ҳиссиёт ҳамон замон хуб мешавад. Аммо новобаста аз оне ки рақибам аз Фаронса буд ва мусобиқа дар ватанаш баргузор мегашт, ин бароям муҳим набуд. Чизи аз ҳама муҳим ғалаба кардан буд ва хушбахтона он рақобатро ҳам бо ғалаба ба анҷом расонидам.
- Як бор барои ба Амрико рафтанатон ба шумо раводид (виза) надоданд. Сабаб чӣ буд? Шумо барои тамрин мехостед равед ва ё барои гузаронидани ягон рақобат?
- Сабаби ба ман раводид надоданро худам ҳам намедонам, лекин дар ҳуҷҷатҳо ягон камбудӣ набуд. Мо ба Амрико барои гузаронидани рақобат мерафтем, мутаассифона ин ба ман даст надод. Дар оянда ҳаракат мекунем, ки раводиди Амрикоро ба даст орам, чун бароям бисёр зарур аст.
- Умуман, дар ММА задухӯрдҳо чӣ гуна ташкил карда мешаванд? Оё ҳама чизро роҳбарон муайян мекунанд ё фикри шумо низ ба инобат гирифта мешавад?
- Рақобатро менеҷерҳо бо ташкилоте, ки он ҷо рақобат мекунам, мувофиқа мекунанд ва ба мо занг зада огоҳ менамоянд, ки рақиби шумо фалон нафар аст. Дар ин ҷо фикри варзишгар ҳам ба инобат гирифта мешавад. Аммо дар аксар маврид варзишгарон агар ҷароҳат надошта бошанд, рақобатро қабул мекунанд.
- Барои ба як рақобат тайёрӣ дидан, чанд моҳ зарур аст?
- Вақте рақиб муайян шуд, ба мо вақт медиҳанд, ки худро омода кунем ва омодагии мо 2-3 моҳ вақтро мегирад. Фикр мекунам дар ин фосилаи вақт агар хоҳишат бошад, пурра омода шуда метавонӣ.
- Дар кадом рақобати “Беллатор”, ки шумо он ҷо се рақобат гузаронидед, аз ҳариф тарс доштед?
- Агар тарс медоштам ба рақобат намебаромадам. Ман таҷриба дорам. Албатта, изтироб рӯй медиҳад, аммо кӯшиш мекунам, ки онро назорат кунам. Вақте ки шумо ба ҳашткунҷа мебароед, бояд ҳама ҳиссиёту ҳаяҷонро фурӯ нишонед, агар не, коратон тамом.
- То ҳол шумо дар 16 муборизаи касбӣ 16 ғалаба доред. Аз 16 рақибе, ки мағлуб намудед, кадомаш хатарноктар буд?
- Ҳамаашон хатарнок буданд, аммо дар аввалин рақобатам аз ҳисоби камтаҷрибагӣ наздик буд шикаст мехӯрдам. Дигар рақибонро агар гӯям, ки ба осонӣ шикаст додаам, хато намекунам.
- Дар ягон рақобат фикр кардед, ки мағлуб мешавед?
- Вақте ба майдон мебароям, ҳамеша ба ғалаба фикр мекунам. Тавре дар боло ҳам қайд кардам, рақобати аввалинам бисёр хатарнок гузашта буд. Он ҷо ин фикр ба сарам омад - “корам бо ҳамин тамом”.
- Умуман, шумо фаъолияти варзишии худро аз гӯштини тарзи озод оғоз кардаед, аммо чӣ шуд, ки ба ММА гузаштед?
- Соли 2016 ба Русия ба шаҳри Барнаул бо нияти донишҷӯ шудан, парвоз кардам. Аз сабаби он ки дар ин шаҳр ягон толор барои тамрини гӯштини тарзи озод набуд, тамринро дар риштаи ММА оғоз кардам. Баъдтар ин ришта писандам омад ва шуруъ аз ҳамон сол дар мусобиқаҳо иштирок карданро оғоз кардам. Пушаймон нес-там, ки ба ММА гузаштам.
- Аз гӯштини тарзи озод чӣ дастовардҳо доред?
- Дар гӯштини тарзи озод дастовардҳо кам аст, аммо ин намуди варзиш то ба ҳол дар рақобатҳо бароям кӯмак мекунад.
- Ба Барнаул на барои тамрин, балки барои таҳсил рафтед. Таҳсилатон чӣ шуд?
- Бале, он ҷо барои таҳсил рафтам ва хушбахтона таҳсилро дар риштаи иқтисод ва менеҷменти Донишгоҳи давлатии Олтой хатм кардам.
- Ҷароҳати маъмулӣ дар гӯштин ва ММА шикастани гӯшҳост ва тавре мебинам гӯшҳои шумо ҳам шикас-таанд. Вақти тамрин гӯшатон шикаст ва ё дар рақобат?
- Гӯшҳоям ҳанӯз замони кӯдак буданам, вақте ки аз навъи гӯштини тарзи озод машқ мекардам, шикаста буданд.
- Дуруст аст, ки шумо дар як мусобиқае дар Новоалтайск вақте рақибро мезанед, ӯро бо мошини ёрии таъҷилӣ мебаранд. Ин ҳодиса чӣ гуна рӯй дод?
- Не ин нодуруст аст, аммо мошини ёрии таъҷилиро фарёд карданд, чун ҳолати рақибам бисёр бад шуд. Баъдан ҳамааш ба хубӣ анҷом ёфт.
- Аксар варзишгарон барои қаҳрамон шудан, маблағ кор кардан ва маъруф шудан ба ММА машғул мешаванд. Ҳадафи шумо чист?
- Ҳадафи ман ин соҳиби камарбанд шудан ва муаррифии миллатам мебошад.
- Шумо дар вазнкашии пеш аз рақобатҳоятон бо рақибон бисёр меҳрубонед. Чаро мисли дигар варзишгарони ММА ҳангомасозӣ намекунед?
- Ман дар оила ҳамин хел тарбият ёфтаам. Падару модар ва устодам чунин тарбият кардаанд, ки бояд ҳамаро эҳтиром кунам. Наметавонам ҳангомасозӣ кунам. Парчами давлатамонро, халқи худро бо сухан не, балки бо рафтору кирдорам муаррифӣ кардан мехоҳам.
- Аксари варзишгарони ММА мехоҳанд ба ташкилоти бонуфузи UFC шартнома банданд. Ният надоред, ки бо ин ташкилот шартнома бандед?
- Нияти ба UFC рафтан дорам, лекин аввал мехоҳам камарбанди “Bellator”-ро гирам, баъдан ба UFC гузарам.
- Чӣ орзуву ҳавас доред?
- Мехоҳам бебохт боқӣ монам. Тамом.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед