11-13 ноябр дар шаҳри Софияи Булғористон чемпионати ҷаҳон аз рӯи намуди самбо баргузор гардид.

Дар он 8 варзишгари тоҷик- Ҷомии Ҳасан (52),Акмалиддин Каримов (-57), Хушқадам Хусравов (-62), Мустафо Ҳасанов (-68),  Ҳамроз Раҷабов (74),Зафар Олимшоев (-82) Комроншоҳи Устопириён(90 ) ва Шамшод Абдуллоев (-100) кило  иштирок намуда, соҳиби се медали биринҷӣ гардиданд.

Нишонҳои биринҷиро Ҷомии Ҳасан дар вазни то 52 кило, Ҳамроз Раҷабов дар вазни то 74 кило ва Комроншоҳи Устопириён дар вазни то 90 кило ба ватан оварданд.

Дар мусобиқаи мазкур варзишгарони 80 давлати дунё иштирок намуда, аз рӯи 9 вазн, оид ба самбои варзишӣ миёни мардону занон ва самбои рамзӣ миёни мардон  қувваозмоӣ намуданд.

Паҳлавонони тоҷик аз намуди самбои варзишӣ миёни мардон Тоҷикистонро муаррифӣ карданд.

Ёдовар мешавем, ки соли гузашта дар чемпионати ҷаҳон, ки дар шаҳри Марокаш баргузор гардид,  варзишагрони тоҷик ду медали нуқра ба даст оварда буданд. Акмалиддин Каримов дар вазни 57 кило ва Набимуҳаммад Хоркашов дар вазни 100 кило нишонҳои нуқраро ба гардан овехтанд.

Баъди қаҳрамони ҷаҳон гардидани Саидмуъмин Раҳимов соли 1975 дар шаҳри  Мински Беларус, то ҳол самбочиёни кишвар медали тиллои чемпионати ҷаҳонро миёни калонсолон ба гардан наовехтаанд.