ВАРЗИШ
Якшанбе 23 Июн 2024 10:26
5931
Дар толори асосии мақомоти ҳокимияти давлатии ВМКБ вобаста ба татбиқи дастурамали Кумитаи кор бо ҷавонон ва варзиши назди Ҳукумати Ҷумҳурии Тоҷикистон оид ба марҳила ба марҳила ташкилу гузаронидани чорабиниҳои расмии тарбияи ҷисмонӣ ва варзиш дар кишвар семинар – машварат доир гардид.

Дар семинар Сайраҳмон Раҳмонов, директори муассисаи давлатии “Маркази ҷумҳуриявии методӣ” - и назди кумита ва Зинатулло Саидов, директори муассисаи давлатии Мактаби варзишии намудҳои зимистонаи назди кумита оид ба роҳҳои дар амал роҳандозӣ намудани дастурамали болозикр, дуруст қайд кардани дафтарчаи баҳисобгирии дараҷа ва унвонҳои варзишӣ, иштирок дар мусобиқа ва иҷрои меъёрҳои назоратии варзишгар ба мураббиён, мудирони бахшҳои кор бо ҷавонон ва варзишу дигар масъулини соҳа маълумоти лозима пешниҳод карданд.

Сипас баҳри рушди варзиш дар ҳамаи маҳаллаҳову деҳоти вилоят аз номи раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ба Раёсати кор бо ҷавонон ва варзиши ВМКБ туҳфаҳои варзишӣ, аз қабили тӯби волейбол, футбол, баскетбол, тӯрҳои волейбол ва ғайра супорида шуд.

Бояд зикр кард, ки баъди семинар намояндагони кумитаро муовини аввали раиси вилоят Алишер Мирзонаботов ба ҳузур пазируфта, дар мулоқот бо муовини якум масоили рушди минбаъдаи варзиш дар шаҳру ноҳияҳои ВМКБ, фаъолияти муассисаҳои варзишӣ ва дигар мавзӯъҳои марбути соҳа баррасӣ гаштанд.

01.jpg

Эзоҳи худро нависед



Рамзҳо дар расм