Бахши кор бо ҷавонон ва варзиши ноҳияи Шуғнон ва ташкилоти ҷамъиятии “Нур” дар ҷамоати Поршиневи ноҳия бо ширкати 35 нафар кӯдакону наврасон мусобиқаи шоҳмотбозиро доир намуданд.

Бино ба иттилои мудири бахш Аҳмад Мамадбунаев, ҳадаф аз баргузории чорабинӣ, ин таҳкими қобилияти зеҳнии наслҳо, ҷалби онҳо ба муттаҳидию ҳамкории самарабахш ва рӯ овардани кӯдакон ба машғулиятҳои муфид мебошад.

Бояд кайд кард, ки бозии ақлонӣ бениҳоят ҷолибу шавқовар гузашта, дар охир аз тарафи ташкилот ба ғолибон туҳфаҳои хотиравӣ тақдим гардид.