Дар ҷамоати Поршиневи ноҳияи Шуғнони Вилояти Мухтори Кӯҳистони Бадахшон миёни кӯдакону калонсолони шаш деҳаи ноҳия мусобиқаи гӯштини миллӣ доир гардид.

Тавре директори муассисаи давлатии мактаби варзишии ноҳия Назрулло Қумайдонов иттилоъ дод, мусобиқа байни кӯдакони вазни аз 21 то 45 кило ва калонсолони аз 55 то 100 кило боло бо ҳадафи муайян намудани гӯштингирони беҳтарин, роҳхат гирифтан ба мусобиқаҳои ҷамоатию ноҳиявӣ ва инчунин оммавияти варзиш сурат гирифт.

Ғолибон миёни кӯдакон бо ифтихорномаҳои муассиса қадрдонӣ шуда, калонсолон ба мусобиқаҳои баъдӣ роҳхат гирифтанд.