Бо ибтикори Бахши кор бо ҷавонон ва варзиши ноҳияи Рӯшон силсилачорабиниҳои фарҳангӣ – маърифатӣ ва варзишӣ гузаронида шуданд.

Бино ба иттилои Шӯҳрат Алиев, корманди бахш ва масъули чорабиниҳо, мусобиқаҳои варзишӣ аз рӯи намудҳои волейбол, баскетбол (мардонаву занона), шоҳмотбозӣ, тенниси рӯи миз ва консерти хотирмон бо ширкати аҳли фарҳанги ноҳияву ҳамоишҳои судманд ба ифтихори Рӯзи Ваҳдати миллӣ роҳандозӣ гардиданд.

Барои ғолибони мусобиқаҳои варзишӣ аз ҷониби бахш мукофотпулӣ тақдим шуд.