ВАРЗИШ
Душанбе 17 Июн 2019 11:46
5270
Дар вилояти Суғд фаъолияти яксолаи Раёсати кор бо ҷавонон ва варзиши вилоят натиҷагирӣ карда шуд.

Зимни суханрониҳо таъкид гардид, ки шумораи умумии ҷавонони вилоят 824200 нафарро ташкил намуда, аз онҳо дар вазифаҳои роҳбарикунанда 664 нафар, ба ҳайси вакилони Маҷлиси вакилони халқи шаҳру ноҳияҳо 61 нафар ва вакилони Ҷамоатҳои шаҳраку деҳот 306 нафар фаъолият доранд.

Гуфта шуд, ки ба истиқболи ҷашни 30-солагии Истиқлолияти давлатии Ҷумҳурии Тоҷикистон дар ҳамаи шаҳру ноҳияҳои вилоят бунёд ва таъмиру тармими иншооти варзишӣ пешбинӣ гардидааст, ки ин ба рушди соҳаи варзиш ва таъмини солимии ҷомеа заминаи мусоид фароҳам меоварад. Айни ҳол, дар миқёси вилояти Суғд наздик 2500 иншооти варзишӣ фаъолият доранд. Аз ҷумла, дар ёздаҳ моҳи соли равон дар шаҳру ноҳияҳои вилоят 19 толори варзишӣ, 75 майдончаи варзишӣ, 7 майдонча барои бозии кӯдакон, 1 ҳавзи шиноварӣ ва 1 маҷмааи варзишӣ, дар маҷмӯъ 103 иншооти гуногуни варзишӣ сохта, ба истифода дода шуда, барои ин мақсад аз буҷети маҳаллӣ 10353,5 ҳазор сомонӣ ва аз ҳисоби соҳибкорон 22714 ҳазор сомонӣ маблағ равона шудааст.

Доир ба самти варзиш ва тарбияи ҷисмонӣ иброз гардид, ки дар миқёси вилоят 1093 мусобиқа бо фарогирии 181087 нафар ҷавон гузаронида шуданд. Аз рӯйи натиҷаҳои мусобиқаҳои вилоятӣ дастаи варзишгарони вилоят дар ҳайати 3887 нафар, аз ҷумла 677 нафар ҷавондухтар барои иштирок дар мусобиқаҳои мухталифи ҷумҳуриявию байналмилалӣ таъсис дода шуда, онҳо дар 113 мусобиқаи ҷумҳуриявӣ иштирок намуда, соҳиби 714 медали тилло, 665 медали нуқра ва 847 медали биринҷӣ гардиданд. Инчунин, 297 нафар варзишгарони вилоят дар 52 мусобиқоти байналмилалӣ ширкат варзида, сазовори 52 медали тилло, 31 нуқра ва 55 биринҷӣ шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.