ВАРЗИШ
Панҷшанбе 26 Май 2022 07:59
4375
20-уми май, дар маркази вилояти Суғд – шаҳри Хуҷанд чорабинии варзишии Дави миллӣ баргузор шуд, ки дар он беш аз 25 ҳазор нафар сокинони касбу кори гуногун иштирок намуданд.

Раҷаббой Аҳмадзода, раиси вилояти Суғд, қабл аз оғози Дави миллӣ дар ҳузури сокинон суханронӣ намуда, аз дастгириҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи варзиш ёдоварӣ кард ва баргузории Дави миллиро ҷиҳати тарғиби тарзи ҳаёти солим иқдоми муҳиму саривақтӣ арзёбӣ намуд.

Чорабинии варзишӣ аз назди Корхонаи воҳиди давлатии Маҷмааи ҳавзҳои шиноварии “20-солагии Истиқлолияти Тоҷикистон” оғоз ёфта, то назди Парчами давлатии Ҷумҳурии Тоҷикистон, воқеъ дар хиёбони ба номи Раҳмон Набиев идома ёфт ва дар охир ба иштирокчиёни фаъол аз ҷониби Раиси вилоят сипоснома ва туҳфаҳои хотиравӣ супорида шуд.

Ёдовар мешавем, ки чорабинии варзишии Дави миллӣ дар ҳамаи шаҳру ноҳияҳои вилояти Суғд доир шуда, дар он беш аз 96 770 нафар ҷавонону наврасон ва аҳолии вилоят (31850 нафар бонувон) иштирок намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Май 2022 c.