Бино ба иттилои Раёсати кор бо ҷавонон ва варзиши вилояти Суғд дар тамоми шаҳру ноҳияҳои вилоят бо иштироки 6113 нафар, ки аз онҳо 2033 нафарашонро бонувон ташкил менамоянд, машқҳои дастаҷамъонаи пагоҳирӯзӣ баргузор гардид.

Ба таъкиди масъулин мақсад аз баргузории машқҳои дастаҷамъонаи пагоҳирӯзӣ тарғиби тарзи ҳаёти солим ва ҷалби ҷавонону наврасон ба варзиш мебошад.

Ҳамзамон, чунин машқҳои пагоҳирӯзӣ дар назди Қасри фарҳанги ноҳияи Б.Ғафуров бо иштироки зиёда аз ҳазор нафар ҷавонону наврасон, волонтëрон, кормандон, мураббиёну варзишгарон ва сокинони ноҳия баргузор гардида, иштирокчиён дар рушду таҳкими тарзи ҳаёти солим саҳми худро гузоштанд.