Бо ташаббуси Раёсати кор бо ҷавонон варзиши вилояти Суғд машқи пагоҳирӯзӣ ва солимгардонӣ таҳти унвони "Зебоӣ, тавоноӣ ва доноӣ аз варзиш аст!" бахшида ба Рӯзи ҷавонони Тоҷикистон дар назди маҷмааи таърихӣ-фарҳангии "Истиклол" ва Боғи фарҳангӣ - фарогатӣ ба номи Камоли Хуҷандӣ доир гардид.

Гуфта шуд, ки машқҳои мазкур бо мақсади таҳкими тарзи ҳаёти солим, оммавигаронии варзиш, рушди бемайлони варзиш, ҷалби ҷавонону наврасон ба варзиш ва пешгирии онҳо аз омилҳои номатлуб баргузор шуда, дар он 7105 нафар наврасону ҷавонон, донишҷуёни муассисаҳои олӣ ва миёнаи касбии вилоят, варзишгарон ва сокинони шаҳри Хуҷанд иштирок намуданд.

Пас аз машқи пагоҳирӯзӣ, инчунин ҳамоишҳои як рӯзи велосипедронӣ бо ҷалби беш аз 1692 нафар наврасону ҷавонон, донишҷуёни муассисаҳои олӣ ва миёнаи касбии вилоят ва ҳамоиши шоҳмотбозон дар Боғи фарҳангӣ - фарогатӣ ба номи Камоли Хуҷандӣ бо ҷалби беш аз 1570 хонандагону донишчуёни муассисахои тахсилоти олӣ, миёнаи касбии шахри Хуҷанд баргузор карда шуд.