Дар Қасри варзиши шаҳри Хуҷанд маросими кушодашавии чорабиниҳои варзишӣ барои дарёфти Ҷоми раиси вилояти Суғд баргузор гардид.

Бо ташаббуси роҳбарияти вилоят ба муносибати Рӯзи ҷавонони Тоҷикистон ва як моҳи ҷавонӣ барои дарёфти Ҷоми раиси вилояти Суғд аз рӯи намудҳои тенниси рӯи миз, футбол, шоҳмот, бокс, гӯштини камарбандӣ, гӯштини миллӣ, гӯштини тарзи озод, волейбол, камонварӣ, дастхобонӣ, велосипедронӣ, баскетбол, шиноварӣ, тирпаронӣ ва картинг мусобиқаҳои варзишӣ гузаронида хоҳад шуд.

Ин мусобиқаҳо дар шаҳру ноҳияҳои Хуҷанд, Гулистон, Бобоҷон Ғафуров, Мастчоҳ, Истаравшан, Ҷаббор Расулов, Ашт ва Исфара ҷараён мегиранд.

Гуфта шуд, ки дар мусобиқаҳои варзишӣ барои дарёфти Ҷоми раиси вилояти Суғд дар баробари варзишгарони вилоят варзишгарон аз шаҳри Душанбе ва шаҳру ноҳияҳои тобеи ҷумҳурӣ, вилояти Хатлон кишварҳои Ўзбекистон, Қазоқистон ва Қирғизистон ширкат меварзанд.