ВАРЗИШ
Якшанбе 20 Сентябр 2020 11:54
7237

Дар варзишгоҳи “20 - солагии Истиқлолияти Тоҷикистон” ба муносибати Рӯзи варзишгарон бо иштироки раиси вилояти Суғд Раҷаббой Аҳмадзода чорабинӣ доир гардид.

Раҷаббой Аҳмадзода, раиси вилояти Суғд дар ибтидо варзишгарон ва кулли кормандони соҳаи варзишро ба ин муносибат табрик намуда, аз нақшу аҳамияти варзиш дар зиндагии шоистаи сокинон сухан кард.

“Варзиш яке аз самтҳои афзалиятноки сиёсати иҷтимоии давлатии Ҷумҳурии Тоҷикистон маҳсуб ёфта, таҳким бахшидани тарзи ҳаёти солим, таъмини оммавигардонии варзиш, дастгирӣ ва ғамхорӣ нисбат ба варзишгарон аз ҳадафҳои муҳими барномавии Ҳукумати кишвар ба шумор меравад” - таъкид намуд раиси вилояти Суғд.
Гуфта шуд, ки дар вилоят 2655 иншооти варзишӣ фаъолият менамоянд, ки аз ин шумора 45 варзишгоҳ, 1833 майдончаи варзишӣ, 563 толорҳои варзишӣ, 33 ҳавзҳои шиноварӣ ва 181 маҷмааҳо, иншооти махсуси варзишӣ аз қабили тир, боулинг, фитнес ва клубҳои ихтиёрӣ маҳсуб меёбанд.

Раиси вилоят дар охир ба 50 нафар варзишгарони беҳтарин, мураббиён, кормандон ва собиқадорони соҳаи варзиш сипоснома ва туҳфаҳои хотиравӣ тақдим намуда, ҳамзамон 15 нафар бо унвони Устоди варзиши Ҷумҳурии Тоҷикистон ва Мураббии шоистаи Ҷумҳурии Тоҷикистон сарфароз гардиданд. Инчунин ба ғолибони Ҷоми раиси вилоят аз рӯйи се намуди варзиш: волейболи соҳилӣ байни мардон ва занон, қаиқ ва каноэ байни ҷавонон ва калонсолон ва камонварӣ байни калонсолон ва ҷавонон Ҷом, диплом, медал ва туҳфаҳои хотиравӣ тақдим гардид.

Дар охир ҷиҳати болидахотирии варзишгарон ва кормандони соҳа барномаи фарҳангӣ пешкаш карда шуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.