ВАРЗИШ
Якшанбе 18 Август 2019 10:15
6358
Бахшида ба ифтихори Рӯзи варзишгарон дар Кохи “Суғдиён”-и шаҳри Хуҷанд бо иштироки муовини раиси вилоят муҳтарам Баҳодурзода Баҳоваддин ва сардори Раёсати кор бо ҷавонон ва варзиши вилоят Каримзода Мирзоқосим вохӯрӣ бо варзишгарон, собиқадорон ва кормандони соҳаи варзиш доир гардид. 

Зимни ифтитоҳи чорабинӣ масъулин нахуст кулли варзишгарон, собиқадорони соҳа, мураббиён, тамоми дӯстдорони тарбияи ҷисмонӣ ва варзишро ба муносибати фарорасии Рӯзи варзишгарон табрик гуфтанд. 

Таъкид гардид, ки ҳамасола дар Тоҷикистон 10-уми август ҳамчун Рӯзи варзишгарон бо шукуҳи хосса ҷашн гирифта мешавад. Таҷлили Рӯзи варзишгарон аз он гувоҳӣ медиҳад, ки рушди соҳаи тарбияи ҷисмонӣ ва варзиш дар мамлакат дар меҳвари сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, он намунаи олии арҷгузории корномаҳои варзишгарону мураббиён  ба шумор меравад.

Дар идома гуфта шуд, ки ҷараён гирифтани тадбирҳои шоиста дар самти таҷдид, бунёд ва азнавсозии маҷмааву варзишгоҳҳо дар марказҳои шаҳру навоҳии кишвар, таъсиси ҷоизаи Президенти Ҷумҳурии Тоҷикистон барои варзишгарони беҳтарини кишвар, эҳёи намудҳои варзиши миллӣ ва амсоли инҳо шаҳодати равшани гуфтаҳои боло ба шумор мераванд, ки ҳамагӣ баҳри пешрафти варзиш ва зиёд шудани дастовардҳои варзишгарон равона шудаанд.

Изҳори умед карда шуд, ки минбаъд низ варзишгарони умедбахши вилоят ва устодони онҳо тамоми маҳорату таҷрибаи андўхтаашонро барои тарғибу ташвиқи варзиш, оммавигардонии он, инчунин омода намудани  ҷавонон ба мусобиқаҳои варзишӣ ва аз ин роҳ боз ҳам баланд бардоштани мақом ва эътибори мамлакат дар арсаи байналмилалӣ равона хоҳанд намуд.

Сипас ба як қатор варзишгарони беҳтарини вилоят ва собиқадорони соҳа сипоснома ва туҳфаҳои хотиравӣ тақдим карда шуда, барномаи рангини фарҳангӣ анҷомбахши чорабинӣ гардид.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.