16-19 декабр дар шаҳри Бокуи Озарбойҷон Мусобиқаи байналмилалии “Таҳсил” оид ба гуштини тарзи озод ва юнонӣ-римӣ миёни наврасон баргузор гардид.

Суннат Абдуллоев варзишгари тоҷик дар рӯзи охири мусобиқа миёни наврасони то 17-сола дар вазни -65кг, равияи юнонӣ-римӣ медали биринҷӣ ба даст овард.

Ёдовар мешавем, ки дар рӯзи дуюми мусобиқа Муҳаммадамин Абдуллоев дар вазни -80кг-и равияи тарзи озод сазовори медали тилло шуда буд. Намояндаи дигари Тоҷикистон Исоҷон Нурмаҳмадзода (-71кг) дар равияи гуштини юнонӣ-римӣ ҷои панҷумро ишғол кард.

Дар мусобиқа дар баробари варзишгарони Озарбойҷон, намояндагони Қазоқистон, Тоҷикистон, Фаронса, Британияи Кабир ва Исроил ширкат доштанд.