Дар маросими ҷамъбастии фаъолияти Суперлигаи Тоҷикистон беҳтарин бозигарон, мураббиён ва ғолибони ҷоизаҳои инфиродӣ муайян ва қадрдонӣ шуданд.

Чорабинии мазкур дар шаҳри Душанбе доир гардида, масъулин мавсими футзал-2025-ро натиҷагирӣ намуданд. Тибқи иттилои Федератсияи футболи Тоҷикистон ҷоизаи асосии мавсим - Беҳтарин бозингари Суперлига-2025 насиби капитани дастаи “Сипар”-и Хуҷанд Иқбол Воситзода гардид.

Беҳтарин мураббиро Пайрав Воҳидов, сармураббии “Соро компания” ба номи худ муҳр зад, ки дастаи мазкур зери роҳбарии ӯ дар Суперлигаи Тоҷикистон ва Суперҷом ғолиб омада буд.

Дигар номинатсияҳо низ ғолибони худро пайдо карданд. Ҳамзамон сарпарастон, шарикон ва онҳое, ки дар рушд ва оммавияти футзал дар мамлакат саҳми назаррас гузоштаанд, бо ҷоиза ва сипосномаҳои таъсисдодаи тадорукот қадрдонӣ шуданд.

Шаҳноза АЗИМОВА, “ҶТ”