6-уми августи соли равон Кумитаи ҷавонон, варзиш ва сайёҳии назди Ҳукумати ҷумҳурӣ дар ҳамкорӣ бо Федератсияи футболи Тоҷикистон бо мақсади таҳкими тарзи ҳаёти солим, тарғибу ташвиқи оммавияти варзиш, дар саросари мамлакат «Машқҳои пагоҳирӯзӣ» баргузор менамоянд. Машкҳои пагоҳирӯзӣ дар маркази ҳамаи шаҳру ноҳияҳои ҷумҳурӣ дар назар дошта шудааст.

Дар шаҳри Душанбе ин чорабинӣ дар шаш мавзеъ: Варзишгоҳи марказӣ, Боғи “Рӯдакӣ”,  Боғи “Ғалаба”, саҳни Театри опера ва балети ба номи С. Айнӣ, саҳни “Сирк” ва назди муҷассамаи Абӯалӣ ибни Сино доир мешавад.

Минбаъд «Машқҳои пагоҳирӯзӣ» ҳар рӯзи шанбе, соати 06:00 дар саросари мамлакат доир мегардад.