ВАРЗИШ
Шанбе 27 Апрел 2024 07:45
Субҳи имрӯз, 24 ноябр, ба ифтихори Рӯзи Парчами давлатии Ҷумҳурии Тоҷикистон зиёда аз 9 ҳазор сокинону варзишгарони шаҳри Душанбе соати 6:30 дар саҳни шаршараи Наврӯзгоҳи пойтахт ҷамъ омада, машқи пагоҳирӯзӣ карданд.
Сокинону намояндагони соҳаи варзиши кишварро Абдуҷаббор Раҳмонзода, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, намояндагони мақомоти иҷроияи ҳокимияти давлатии шаҳри Душанбе ва дигар сохтору идораҳо ҳамроҳӣ мекарданд.
Дар саҳни шаршараи Наврӯзгоҳ субҳи барвақт ҷавонону донишҷӯёни Донишкадаи тарбияи ҷисмонии Тоҷикистон ба номи Саидмуъмин Раҳимов зери шиори “Парчамат бодо парафшон, Тоҷикистонам”, дар даст Парчами давлатӣ доштанд, ки ин маконро фазои идона ва суруру шодмонӣ фаро гирифта буд. Дар баробари арҷ гузоштан ба Парчами давлатӣ устодони Донишкадаи тарбияи ҷисмонӣ бо сокинон машқҳои пагоҳирӯзӣ гузарониданд.
Мақсад аз баргузории чорабиниҳои мазкур таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ арзёбӣ гардид. Гуфта шуд, ки сокинон метавонанд, ҳамарӯза дар машқҳои пагоҳирӯзӣ, ки дар нуқтаҳои гуногуни кишвар, аз ҷумла дар майдону боғҳои фароғатии шаҳри Душанбе баргузор мегардад, ширкат намоянд.
Дар охир Аҳтам Абдуллозода, раиси Кумитаи кор бо ҷавонон ва варзиш, ба ҳозирин изҳори миннатдорӣ байён намуда, аз онҳо даъват ба амал овард, ки баҳри саҳм гузоштан дар рушду оммавигардонии варзиш ва солимии тани худ дар машқҳои пагоҳирӯзӣ фаъолона иштирок намоянд.
Ёдовар мешавем, ки иқдоми мазкур бо ташаббуси Кумитаи кор бо ҷавонон ва варзиш дар ҳамкорӣ бо мақомоти иҷроияи ҳокимияти давлатии шаҳри Душанбе, Федератсияи футболи Тоҷикистон ва Кумитаи миллии олимпии кишвар бахшида ба Рӯзи Парчами давлатии Ҷумҳурии Тоҷикистон баргузор гардидааст.
Инчунин, давоми рӯз бахшида ба Рӯзи Парчами давлатӣ марафони велосипедронӣ ва дави миллӣ баргузор мешавад, ки аз гардиши майдони Товус то Наврӯзгоҳ, масофаи 3,5 киломерро дар бар гирифта, соати 12:00 оғоз меёбад.
Сокинону намояндагони соҳаи варзиши кишварро Абдуҷаббор Раҳмонзода, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, намояндагони мақомоти иҷроияи ҳокимияти давлатии шаҳри Душанбе ва дигар сохтору идораҳо ҳамроҳӣ мекарданд.
Дар саҳни шаршараи Наврӯзгоҳ субҳи барвақт ҷавонону донишҷӯёни Донишкадаи тарбияи ҷисмонии Тоҷикистон ба номи Саидмуъмин Раҳимов зери шиори “Парчамат бодо парафшон, Тоҷикистонам”, дар даст Парчами давлатӣ доштанд, ки ин маконро фазои идона ва суруру шодмонӣ фаро гирифта буд. Дар баробари арҷ гузоштан ба Парчами давлатӣ устодони Донишкадаи тарбияи ҷисмонӣ бо сокинон машқҳои пагоҳирӯзӣ гузарониданд.
Мақсад аз баргузории чорабиниҳои мазкур таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ арзёбӣ гардид. Гуфта шуд, ки сокинон метавонанд, ҳамарӯза дар машқҳои пагоҳирӯзӣ, ки дар нуқтаҳои гуногуни кишвар, аз ҷумла дар майдону боғҳои фароғатии шаҳри Душанбе баргузор мегардад, ширкат намоянд.
Дар охир Аҳтам Абдуллозода, раиси Кумитаи кор бо ҷавонон ва варзиш, ба ҳозирин изҳори миннатдорӣ байён намуда, аз онҳо даъват ба амал овард, ки баҳри саҳм гузоштан дар рушду оммавигардонии варзиш ва солимии тани худ дар машқҳои пагоҳирӯзӣ фаъолона иштирок намоянд.
Ёдовар мешавем, ки иқдоми мазкур бо ташаббуси Кумитаи кор бо ҷавонон ва варзиш дар ҳамкорӣ бо мақомоти иҷроияи ҳокимияти давлатии шаҳри Душанбе, Федератсияи футболи Тоҷикистон ва Кумитаи миллии олимпии кишвар бахшида ба Рӯзи Парчами давлатии Ҷумҳурии Тоҷикистон баргузор гардидааст.
Инчунин, давоми рӯз бахшида ба Рӯзи Парчами давлатӣ марафони велосипедронӣ ва дави миллӣ баргузор мешавад, ки аз гардиши майдони Товус то Наврӯзгоҳ, масофаи 3,5 киломерро дар бар гирифта, соати 12:00 оғоз меёбад.
Хабарҳои дигар
Рӯзнома
Эзоҳи худро нависед