Бахшида ба Рӯзи варзишгарон дар маркази фарҳангии ҷавонони шаҳри Кӯлоб чорабинии идона бо иштироки ҷавонону наврасон доир гардид.

Дар чорабинӣ аз дастоварду муваффақиятҳои варзишгарони шаҳру деҳоти Кӯлоб ёдовар шуда, масъулин варзишгаронро ба ин санаи фархунда муборакбод намуданд.

Зимни суханрониҳо қайд гардид, ки варзиш қосиди сулҳу дӯстӣ миёни халқиятҳои олам буда, он гарави саломатии ҳар як шахс мебошад. Маҳз дастгириҳои Пешвои миллат аст, ки сол то сол варзиш дар кишвар рушд ёфта, таваҷҷӯҳ ба он бештар мегардад.

Дар фарҷоми чорабинӣ варзишгарон ҷиҳати саҳмашон дар рушди варзиши кишвар бо ифтихорнома ва туҳфаҳои хотиравӣ қадрдонӣ шуданд.