Имрӯз дар варзишгоҳи “Пахтакор”-и шаҳри Бохтар мусобиқаи кушоди варзишӣ оид ба футболи хурд миёни кормандони ташкилоту муассисаҳо барои дарёфти “Ҷоми раиси шаҳри Бохтар” бахшида ба 30-солагии Истиқлолияти давлатии Ҷумҳурии Тоҷикистон оғоз гардид.

Дар оғози мусобиқа муовини раиси шаҳр Қосимзода Наргис суханронӣ карда, иброз дошт, ки “Имрӯзҳо дар шаҳр дари садҳо майдончаи варзишии мувофиқ ба талаботи рӯз барои дӯстдорони футбол бозанд. Ҳадаф аз баргузории ин чорабинӣ ташвиқу тарғиб ва таъмини оммавияти варзишу солимгардонӣ, тарғиби тарзи ҳаёти солим миёни сокинони шаҳр, аз ҷумла ҷавонону наврасон, рушди футбол ва сазовору хотирмон таҷлил намудани ҷашни 30-солагии Истиқлолияти давлатии Ҷумҳурии Тоҷикистон мебошад”.

Дар мусобиқа 8 даста байни ҳам қувваозмоӣ намуда, ғолибони мусобиқа дар арафаи ҷашни Истиқлолият бо мукофотпулӣ ва сипосномаву ифтихорномаҳои мақомоти иҷроияи маҳаллии ҳокимияти давлатии шаҳр қадрдонӣ хоҳанд шуд.