ВАРЗИШ
Шанбе 04 Май 2024 02:14
Имрӯз дастаи мунтахаби олимпии Тоҷикистон (U-23) дар даври сеюм ва ниҳоии марҳилаи гурӯҳии Ҷоми Осиё-2024 дар гуруҳи “С” бо тими Тайланд бозӣ мекунад. Ин вохӯрӣ дар варзишгоҳи “Ал-Ҷануб”-и Давҳа соати 20:30 ба вақти Душанбе оғоз мегардад.
Бояд гуфт, ки дастаи мунтахаби олимпии футболи Тоҷикистон (U-23) дар бозии даври якум ва дувумаш шикаст хӯрд.
Бозии даври аввали гурӯҳи “С” байни дастаҳои мунтахаби олимпии Тоҷикистон ва Арабистони Саудӣ шаби сешанбеи 16-уми апрел дар шаҳри Доҳа, дар Варзишгоҳи байнулмилалии Халифа, доир гардид, ки бо ҳисоби 2:4 ба нафъи саудиҳо ба анҷом расид.
Бозии даври дувуми гурӯҳи “С” бошад байни дастаҳои мунтахаби олимпии Тоҷикистон ва Ироқ шаби ҷумъаи 19-уми апрел дар шаҳри Доҳа, дар варзишгоҳи Ал-Ҷануб, доир гардид.
Дар ин бозӣ се гол дар нимаи аввали дидор ва се голи дигар дар нимаи дувум зада шуд. Муҳаммад Мунтадир, бозигари ироқиҳо, дар дақиқаи 14-ум ҳисобро кушод. Алӣ Ҷассим дар дақиқаи 22-юм тӯбро аз пеналтӣ ё ҷаримаи 11-метрӣ ба нишон расонда, ҳисобро афзун кард – 2:0. Дар охири нимаи аввал Рустам Соиров, ҳамлагари мунтахаби Тоҷикистон, аз пеналти (45+9) ҳисобро тағйир дод – 1:2.
Дар нимаи дувуми бозӣ ироқиҳо Ҳамид Ҳасан (56) ва Саъд Қаррор (87) ду гол ва бозигари дастаи Тоҷикистон Меҳрон Мадаминов (90+5) як гол заданд. Ҳамин тариқ, ин бозӣ бо ҳисоби 4:2 ба суди тими мунтахаби олимпии Ироқ хотима ёфт.
Дастаи мунтахаби олимпии Тоҷикистон (U-23) бо вуҷуди он ки ду бозиро бохт, шонси аз гурӯҳ баромаданро нигоҳ доштааст.
Барои ба даври чорякниҳоии Ҷоми Осиё-2024 роҳ ёфтан ба футболбозони ҷавони тоҷик зарур аст, ки дар бозии охирини гурӯҳӣ 22-юми апрел муқобили дастаи Тайланл танҳо пирӯзӣ бо таносуби ду тӯб (3:1 ё 4:2) ба даст биёранд, ба шарте ки мунтахаби Ироқ бозиро ба Арабистони Саудӣ бой диҳад.
Ёдовар бояд шуд, ки дар ин мусобиқа дастаҳои мунтахаб барои дарёфти квотаҳо аз қитъаи Осиё ҷиҳати ширкат дар Бозиҳои тобистонаи олимпӣ, ки аз 26-уми июл то 11-уми августи соли равон дар Парижи Фаронса баргузор мешавад, мубориза мебаранд.
Дастаҳое, ки дар Ҷоми Осиё дар Қатар се ҷойи аввалро соҳиб мешаванд, мустақиман ба Бозиҳои олимпӣ роҳхат мегиранд. Дастае, ки ҷойи чаҳорумро ишғол мекунад, барои дарёфти роҳхат тавассути бозиҳои плей-оффи байниқитъавӣ талош меварзад.
Яҳё МАҲМАДНАБИЕВ, “ҶТ”
Бояд гуфт, ки дастаи мунтахаби олимпии футболи Тоҷикистон (U-23) дар бозии даври якум ва дувумаш шикаст хӯрд.
Бозии даври аввали гурӯҳи “С” байни дастаҳои мунтахаби олимпии Тоҷикистон ва Арабистони Саудӣ шаби сешанбеи 16-уми апрел дар шаҳри Доҳа, дар Варзишгоҳи байнулмилалии Халифа, доир гардид, ки бо ҳисоби 2:4 ба нафъи саудиҳо ба анҷом расид.
Бозии даври дувуми гурӯҳи “С” бошад байни дастаҳои мунтахаби олимпии Тоҷикистон ва Ироқ шаби ҷумъаи 19-уми апрел дар шаҳри Доҳа, дар варзишгоҳи Ал-Ҷануб, доир гардид.
Дар ин бозӣ се гол дар нимаи аввали дидор ва се голи дигар дар нимаи дувум зада шуд. Муҳаммад Мунтадир, бозигари ироқиҳо, дар дақиқаи 14-ум ҳисобро кушод. Алӣ Ҷассим дар дақиқаи 22-юм тӯбро аз пеналтӣ ё ҷаримаи 11-метрӣ ба нишон расонда, ҳисобро афзун кард – 2:0. Дар охири нимаи аввал Рустам Соиров, ҳамлагари мунтахаби Тоҷикистон, аз пеналти (45+9) ҳисобро тағйир дод – 1:2.
Дар нимаи дувуми бозӣ ироқиҳо Ҳамид Ҳасан (56) ва Саъд Қаррор (87) ду гол ва бозигари дастаи Тоҷикистон Меҳрон Мадаминов (90+5) як гол заданд. Ҳамин тариқ, ин бозӣ бо ҳисоби 4:2 ба суди тими мунтахаби олимпии Ироқ хотима ёфт.
Дастаи мунтахаби олимпии Тоҷикистон (U-23) бо вуҷуди он ки ду бозиро бохт, шонси аз гурӯҳ баромаданро нигоҳ доштааст.
Барои ба даври чорякниҳоии Ҷоми Осиё-2024 роҳ ёфтан ба футболбозони ҷавони тоҷик зарур аст, ки дар бозии охирини гурӯҳӣ 22-юми апрел муқобили дастаи Тайланл танҳо пирӯзӣ бо таносуби ду тӯб (3:1 ё 4:2) ба даст биёранд, ба шарте ки мунтахаби Ироқ бозиро ба Арабистони Саудӣ бой диҳад.
Ёдовар бояд шуд, ки дар ин мусобиқа дастаҳои мунтахаб барои дарёфти квотаҳо аз қитъаи Осиё ҷиҳати ширкат дар Бозиҳои тобистонаи олимпӣ, ки аз 26-уми июл то 11-уми августи соли равон дар Парижи Фаронса баргузор мешавад, мубориза мебаранд.
Дастаҳое, ки дар Ҷоми Осиё дар Қатар се ҷойи аввалро соҳиб мешаванд, мустақиман ба Бозиҳои олимпӣ роҳхат мегиранд. Дастае, ки ҷойи чаҳорумро ишғол мекунад, барои дарёфти роҳхат тавассути бозиҳои плей-оффи байниқитъавӣ талош меварзад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед