ВАРЗИШ
Ҷумъа 03 Май 2024 11:53
Ҳар як риштаи варзиш дар самти худ қаҳрамоне дорад. Ҳар як қаҳрамон бошад дорои саргузаште мебошад, ки он ифодакунандаи заҳмату заҷри кашидаи ӯро дар ин ҷода ва то кадом андоза таҳаммулпазир будани варзишгарро маънидод менамояд.
ШОМИ ҚАҲРАМОНӢ
Мусобиқаи UFC-294 низ барои ҳаводорони ин навъи варзиш боз якчанд қаҳрамонро ба қавле “тавлид” кард. Дар ин шоме, ки моли таърих гашт, дар баробари қаҳрамонҳои хориҷӣ, варзишгари фарҳангдӯстдори мо – Муҳаммад Наимов низ ба майдон баромада, бо ғалабаи худ дили ҳазорон ҳаводор ва ҳамватани худро шод гардонид.
Набарди мазкур шоми 21-уми октябр дар шаҳри Абу-Даби баргузор гашт. Ҳарифи варзишгари мо дар сабқати мазкур Натаниел Вуд ба ҳисоб мерафт. Рақобати ин ду варзишгар тули се пайт баргузор гардида, пас аз анҷом бо қарори якдилонаи доварон варзишгари мо ғолиб эълон гардид. Мувофиқи баҳодиҳии доварон Муҳаммад дар ин се пайт нисбат ба ҳарифи худ хубтар ҳунарнамоӣ кард. Ӯ дар даври аввал тавонист, ки ҳарифро бо зарбаи қавии худ ба нокдаун равон намуда, ҳамчунин тули чанд сония ӯро дар замин нигоҳ дорад. Дар раунди дуюм ҳарифи Муҳаммад пешсафиро ба даст гирифт ва ӯро ба нокдаун равон кард, аммо Муҳаммад зуд аз ҷой баланд шуда, худро ба даст гирифт ва рақобатро идома дод. Раунди сеюм низ бо тейкдаунҳои пай дар пайи Муҳаммад пушти сар шуд ва ҳамин тавр ӯ тавонист рақиби дуюми худро дар ташкилоти бонуфузи UFC шикаст диҳад.
Айни замон нишондоди Муҳаммад дар ташкилоти UFC ба ду ғалаба расидааст. Ҳарифи аввалинро ӯ бо нокаунт мағлуб намуда буд. Муҳаммад дар суханронии пас аз муҳорибаи худ қайд кард, ки як рӯз пеш аз мусобиқа аслан ҳолати хуб надошт ва бемор буд. Аммо ба ин нигоҳ накарда ба майдон баромад ва ҳарифи худро шикаст дод.
“Ман пеш аз сабқат бемор шудам. Мураббӣ ва падарам ба ман гуфтанд, ки ин рақобатро анҷом надиҳам ва ба майдон набароям. Аммо ман гуфтам, ки агар дар ин рақобат ширкат накунам, дигар ҳаргиз тамрин низ нахоҳам кард”, – мегӯяд Муҳаммад.
МУҲАММАД ВА ВАРЗИШ
Муҳаммад айни ҳол 29 сол дорад. Ӯ мутаваллиди 7 августи соли 1994 мебошад. Қаҳрамони мо дар шаҳри Кӯлоб таваллуд шуда, замони наврасии худро дар шаҳри Душанбе гузаронидааст. Аз замони хурдсолӣ ба варзиш машғул буд. Ӯро ба ин ҷода бобо ва падараш шавқманд намуданд. Зеро ҳардуи онҳо низ варзишгар буданд.
Бобояш вақте шавқи Муҳаммадро нисбати варзиш дид, ӯро ба толори варзишӣ бурд. Муҳаммад дар толор ба тамрини таэквандо ва кикбоксинг оғоз кард. Мураббии ӯ дар ин ҷода Далер Тураев буд. Қаҳрамони мо муддати 15 сол аз навъи варзиши таэквандо баромад намуда, ба якчанд дастовардҳои назаррас ноил гаштааст. Ӯ ба ғайр аз сабқатҳои дохилиҷумҳуриявӣ 2 маротиба қаҳрамони ҷаҳон ва 7 маротиба қаҳрамони Осиё гардидааст.
РЕКОРДИ ҶАҲОНИИ МУҲАММАД
Яке аз сабқатҳои хотирмон дар ҳаёти Муҳаммад, ки то ҳол бо ёдоварӣ аз ӯ болидаруҳ мегардад, ин Чемпионати ҷаҳон оид ба таэквандо дар Булғористон буд. Ӯ дар сабқати мазкур ҳарифи худро дар муддати 7 сония мағлуб намуда, рекорди ҷаҳониро гузоштааст. Худи ӯ низ ин сабқатро бо болидаруҳӣ чунин ба хотир меорад:
“Ростӣ он сабқат ҳеҷ вақт аз ёдам намеравад. Пеш аз сабқат раиси Федератсияи Таэквандо ИТФ-и Тоҷикистон Мирсаид Яҳёев ба наздам омад ва гуфт, ки мо ба ту умед дорем. Бинобар ин, кӯшиш намо, то ягон натиҷаи беҳтарро нишон диҳӣ. Ман бо як энергияи баланд ба майдон баромадам ва дар кӯтоҳтарин замон ҳарифи худро аз пой афтонидам”.
ХОСТИ ТАРКИ ВАРЗИШ АЗ ҶОНИБИ МУҲАММАД
Муҳаммад соли 2015 ба Амрико сафар кард. Сараввал ӯ ба Флоридаи Амрико сафар намуд. Дар ин ҷо муддати ду – се моҳ истиқомат дошт. Ӯ ба Амрико на барои тамрин ва варзиш, балки барои кор рафта буд. Ҳангоми сафар ба Амрико ҳадафи асосии Муҳаммад кор буд. Ӯ тасмим гирифта буд, то ба корномаи варзишии худ хотима бахшад ва минбаъд ба кори дигар машғул шавад. Аммо бо амри тақдир дар ин ҷо ба як гурӯҳи одамоне кор мекард, ки пас аз кор боз ба тамрин машғул буданд. Муҳаммад низ ба онҳо ҳамроҳ шуд ва ҳар рӯз баъди кор ба тамрин мерафт. Муддате, ки ӯ дар Флорида буд, бештар ба навъи Ҷиу-ҷитсу машғул гардид.
АЗ ТАЭКВАНДО БА МУҲОРИБАҲОИ ОМЕХТА
Пас аз ивазшавии макони зисти Муҳаммад аз Флорида ба Лас- Вегаси Амрико мақсади ӯ низ тағйир ёфт. Акнун Муҳаммад ояндаи худ-ро на дар таэквандо ё ҷиу-ҷитсу, балки дар муҳорибаҳои омехта медид. Сабаби яку якбора иваз шудани хоҳиши Муҳаммад дар он зоҳир меёфт, ки ӯ тамринҳои размкорони машҳури UFC-ро дида, ба ин намуд мароқ зоҳир кард.
“Ман вақте ба шаҳри Лас-Вегаси Амрико рафтам, медидам, ки мардум чи гуна варзишгарони UFC-ро ҳаводорӣ менамоянд. Вақте онҳоро дар ягон ҷо вомехӯрданд, онҳоро шинохта, ҳамроҳашон акс мегирифтанд”.
Ин буд, ки дар дили Муҳаммад низ шуълае нисбати UFC фурӯзон гардид ва ӯ хост то худро дар ин ҷода низ санҷад. Ҳамин тавр, Муҳаммад аз варзиши таэквандо ва ҷиу-ҷитсу дил канда, ба UFC дилгарм мешавад.
ШОМИЛШАВӢ БА UFC
Муҳаммад пас аз солҳои зиёд ва талошҳои пайваста билохира ба орзуяш расид ва ба UFC роҳ ёфт. Барои роҳ ёфтан ба ташкилоти бонуфузи UFC заҳмати зиёд кашид. Ҳар коре аз дасташ меомад, анҷом дод, то дар ин ташкилот ҳунарнамоӣ намояд. Билохира ин воқеаи таърихсоз барояш рақам хурд ва ӯ тавонист, бо ин ташкилот шартномаи ҳамкорӣ бандад. Шомилшавии Муҳаммад ба ин ташкилот дар охири моҳи июн амалӣ гашт. Аввалин рақиби ӯ дар UFC Ҷейми Малларки буд, ки рақобати онҳо ба 4-уми июни соли ҷорӣ рост омад. Дар ин сабқат Муҳаммад ба тариқи нокаут ҳарифи худро мағлуб намуда, шомилшавии худро ба UFC бо ғалаба таҷлил намуд. Айни замон натоиҷи Муҳаммад дар самти муҳорибаҳои омехта аз 10 рақобат 8 пирӯзиву 2 бохт рақам зада мешавад.
ВАРЗИШ ВА ФАРҲАНГ
Ҳадафи асосии Муҳаммад ин ба воситаи ҳунару маҳорати худ ба ҷаҳониён шиносонидани миллати тоҷик ва таъриху фарҳанги мо мебошад. Ӯ дар яке аз суҳбатҳояш қайд кардааст, ки дар ғарибӣ меҳраш нисбати ватан бештар мегардад.
“Яке аз мақсадҳои асосии ман номи ватанро баланд бардоштан аст. Вақте дар муҳорибаҳо ғалаба мекунам ва парчами кишварамонро мебардорам, бисёре аз амрикоиҳо ба наздам омада мепурсанд, ки Тоҷикистон дар куҷост ва чӣ гуна фарҳанг дорад. Ман дар бораи Тоҷикистон ба онҳо маълумот медиҳам. Дар ин гуна мавридҳо бештар аз ёдгориҳои таърихиамон сухан мегӯям”, - қайд мекунад Муҳаммад.
Тоқии Муҳаммад дар мадди аввал баёнгари фарҳанги тоҷиконаи ӯст. Муҳаммад бо пӯшидани ин тоқӣ мехоҳад фарҳанги моро ба ҷаҳониён муаррифӣ намояд. Сабаби дигари гузоштани тоқиро Муҳаммад дар яке аз мусоҳибаҳояш чунин қайд кардааст:
“Ин тоқиро аз соли 2012 инҷониб, вақте дар Чемпионати ҷаҳон аз риштаи таэквандо нишони тилло ба даст овардам, бо худ нигоҳ медорам. Он ҷо ман бо ин тоқӣ қаҳрамониро таҷлил карда будам. Барои ҳамин, ин тоқӣ бароям азиз аст ва хотираҳои рангинро ба ёди ман меорад”.
ОХИРСУХАН
Орзу барои талош ва талош барои муваффақият. Ин ду падидаест, ки агар ҳар касе дорандаи онҳост, ба мақсади хеш хоҳад расид. Муҳаммад Наимов ин нуктаро бо шомил шудан ба UFC исбот намуд. Ӯ нафаре буд, ки орзу дошт, рӯзе дар UFC баромад намояд ва барои ин орзуи худ талоши беандоза намуд. Ҳоло бошад, орзуи ӯ ҷомаи амал пӯшидааст ва Муҳаммад дар ҳашткунҷаи бонуфуз ва сертарафдори UFC баромад менамояд ва айни замон ҳаводорони худро ҳам дар дохил ва ҳам хориҷӣ кишвар ба даст овардааст.
Ҳошим РАҲМАТУЛЛОЕВ, “ҶТ”
ШОМИ ҚАҲРАМОНӢ
Мусобиқаи UFC-294 низ барои ҳаводорони ин навъи варзиш боз якчанд қаҳрамонро ба қавле “тавлид” кард. Дар ин шоме, ки моли таърих гашт, дар баробари қаҳрамонҳои хориҷӣ, варзишгари фарҳангдӯстдори мо – Муҳаммад Наимов низ ба майдон баромада, бо ғалабаи худ дили ҳазорон ҳаводор ва ҳамватани худро шод гардонид.
Набарди мазкур шоми 21-уми октябр дар шаҳри Абу-Даби баргузор гашт. Ҳарифи варзишгари мо дар сабқати мазкур Натаниел Вуд ба ҳисоб мерафт. Рақобати ин ду варзишгар тули се пайт баргузор гардида, пас аз анҷом бо қарори якдилонаи доварон варзишгари мо ғолиб эълон гардид. Мувофиқи баҳодиҳии доварон Муҳаммад дар ин се пайт нисбат ба ҳарифи худ хубтар ҳунарнамоӣ кард. Ӯ дар даври аввал тавонист, ки ҳарифро бо зарбаи қавии худ ба нокдаун равон намуда, ҳамчунин тули чанд сония ӯро дар замин нигоҳ дорад. Дар раунди дуюм ҳарифи Муҳаммад пешсафиро ба даст гирифт ва ӯро ба нокдаун равон кард, аммо Муҳаммад зуд аз ҷой баланд шуда, худро ба даст гирифт ва рақобатро идома дод. Раунди сеюм низ бо тейкдаунҳои пай дар пайи Муҳаммад пушти сар шуд ва ҳамин тавр ӯ тавонист рақиби дуюми худро дар ташкилоти бонуфузи UFC шикаст диҳад.
Айни замон нишондоди Муҳаммад дар ташкилоти UFC ба ду ғалаба расидааст. Ҳарифи аввалинро ӯ бо нокаунт мағлуб намуда буд. Муҳаммад дар суханронии пас аз муҳорибаи худ қайд кард, ки як рӯз пеш аз мусобиқа аслан ҳолати хуб надошт ва бемор буд. Аммо ба ин нигоҳ накарда ба майдон баромад ва ҳарифи худро шикаст дод.
“Ман пеш аз сабқат бемор шудам. Мураббӣ ва падарам ба ман гуфтанд, ки ин рақобатро анҷом надиҳам ва ба майдон набароям. Аммо ман гуфтам, ки агар дар ин рақобат ширкат накунам, дигар ҳаргиз тамрин низ нахоҳам кард”, – мегӯяд Муҳаммад.
МУҲАММАД ВА ВАРЗИШ
Муҳаммад айни ҳол 29 сол дорад. Ӯ мутаваллиди 7 августи соли 1994 мебошад. Қаҳрамони мо дар шаҳри Кӯлоб таваллуд шуда, замони наврасии худро дар шаҳри Душанбе гузаронидааст. Аз замони хурдсолӣ ба варзиш машғул буд. Ӯро ба ин ҷода бобо ва падараш шавқманд намуданд. Зеро ҳардуи онҳо низ варзишгар буданд.
Бобояш вақте шавқи Муҳаммадро нисбати варзиш дид, ӯро ба толори варзишӣ бурд. Муҳаммад дар толор ба тамрини таэквандо ва кикбоксинг оғоз кард. Мураббии ӯ дар ин ҷода Далер Тураев буд. Қаҳрамони мо муддати 15 сол аз навъи варзиши таэквандо баромад намуда, ба якчанд дастовардҳои назаррас ноил гаштааст. Ӯ ба ғайр аз сабқатҳои дохилиҷумҳуриявӣ 2 маротиба қаҳрамони ҷаҳон ва 7 маротиба қаҳрамони Осиё гардидааст.
РЕКОРДИ ҶАҲОНИИ МУҲАММАД
Яке аз сабқатҳои хотирмон дар ҳаёти Муҳаммад, ки то ҳол бо ёдоварӣ аз ӯ болидаруҳ мегардад, ин Чемпионати ҷаҳон оид ба таэквандо дар Булғористон буд. Ӯ дар сабқати мазкур ҳарифи худро дар муддати 7 сония мағлуб намуда, рекорди ҷаҳониро гузоштааст. Худи ӯ низ ин сабқатро бо болидаруҳӣ чунин ба хотир меорад:
“Ростӣ он сабқат ҳеҷ вақт аз ёдам намеравад. Пеш аз сабқат раиси Федератсияи Таэквандо ИТФ-и Тоҷикистон Мирсаид Яҳёев ба наздам омад ва гуфт, ки мо ба ту умед дорем. Бинобар ин, кӯшиш намо, то ягон натиҷаи беҳтарро нишон диҳӣ. Ман бо як энергияи баланд ба майдон баромадам ва дар кӯтоҳтарин замон ҳарифи худро аз пой афтонидам”.
ХОСТИ ТАРКИ ВАРЗИШ АЗ ҶОНИБИ МУҲАММАД
Муҳаммад соли 2015 ба Амрико сафар кард. Сараввал ӯ ба Флоридаи Амрико сафар намуд. Дар ин ҷо муддати ду – се моҳ истиқомат дошт. Ӯ ба Амрико на барои тамрин ва варзиш, балки барои кор рафта буд. Ҳангоми сафар ба Амрико ҳадафи асосии Муҳаммад кор буд. Ӯ тасмим гирифта буд, то ба корномаи варзишии худ хотима бахшад ва минбаъд ба кори дигар машғул шавад. Аммо бо амри тақдир дар ин ҷо ба як гурӯҳи одамоне кор мекард, ки пас аз кор боз ба тамрин машғул буданд. Муҳаммад низ ба онҳо ҳамроҳ шуд ва ҳар рӯз баъди кор ба тамрин мерафт. Муддате, ки ӯ дар Флорида буд, бештар ба навъи Ҷиу-ҷитсу машғул гардид.
АЗ ТАЭКВАНДО БА МУҲОРИБАҲОИ ОМЕХТА
Пас аз ивазшавии макони зисти Муҳаммад аз Флорида ба Лас- Вегаси Амрико мақсади ӯ низ тағйир ёфт. Акнун Муҳаммад ояндаи худ-ро на дар таэквандо ё ҷиу-ҷитсу, балки дар муҳорибаҳои омехта медид. Сабаби яку якбора иваз шудани хоҳиши Муҳаммад дар он зоҳир меёфт, ки ӯ тамринҳои размкорони машҳури UFC-ро дида, ба ин намуд мароқ зоҳир кард.
“Ман вақте ба шаҳри Лас-Вегаси Амрико рафтам, медидам, ки мардум чи гуна варзишгарони UFC-ро ҳаводорӣ менамоянд. Вақте онҳоро дар ягон ҷо вомехӯрданд, онҳоро шинохта, ҳамроҳашон акс мегирифтанд”.
Ин буд, ки дар дили Муҳаммад низ шуълае нисбати UFC фурӯзон гардид ва ӯ хост то худро дар ин ҷода низ санҷад. Ҳамин тавр, Муҳаммад аз варзиши таэквандо ва ҷиу-ҷитсу дил канда, ба UFC дилгарм мешавад.
ШОМИЛШАВӢ БА UFC
Муҳаммад пас аз солҳои зиёд ва талошҳои пайваста билохира ба орзуяш расид ва ба UFC роҳ ёфт. Барои роҳ ёфтан ба ташкилоти бонуфузи UFC заҳмати зиёд кашид. Ҳар коре аз дасташ меомад, анҷом дод, то дар ин ташкилот ҳунарнамоӣ намояд. Билохира ин воқеаи таърихсоз барояш рақам хурд ва ӯ тавонист, бо ин ташкилот шартномаи ҳамкорӣ бандад. Шомилшавии Муҳаммад ба ин ташкилот дар охири моҳи июн амалӣ гашт. Аввалин рақиби ӯ дар UFC Ҷейми Малларки буд, ки рақобати онҳо ба 4-уми июни соли ҷорӣ рост омад. Дар ин сабқат Муҳаммад ба тариқи нокаут ҳарифи худро мағлуб намуда, шомилшавии худро ба UFC бо ғалаба таҷлил намуд. Айни замон натоиҷи Муҳаммад дар самти муҳорибаҳои омехта аз 10 рақобат 8 пирӯзиву 2 бохт рақам зада мешавад.
ВАРЗИШ ВА ФАРҲАНГ
Ҳадафи асосии Муҳаммад ин ба воситаи ҳунару маҳорати худ ба ҷаҳониён шиносонидани миллати тоҷик ва таъриху фарҳанги мо мебошад. Ӯ дар яке аз суҳбатҳояш қайд кардааст, ки дар ғарибӣ меҳраш нисбати ватан бештар мегардад.
“Яке аз мақсадҳои асосии ман номи ватанро баланд бардоштан аст. Вақте дар муҳорибаҳо ғалаба мекунам ва парчами кишварамонро мебардорам, бисёре аз амрикоиҳо ба наздам омада мепурсанд, ки Тоҷикистон дар куҷост ва чӣ гуна фарҳанг дорад. Ман дар бораи Тоҷикистон ба онҳо маълумот медиҳам. Дар ин гуна мавридҳо бештар аз ёдгориҳои таърихиамон сухан мегӯям”, - қайд мекунад Муҳаммад.
Тоқии Муҳаммад дар мадди аввал баёнгари фарҳанги тоҷиконаи ӯст. Муҳаммад бо пӯшидани ин тоқӣ мехоҳад фарҳанги моро ба ҷаҳониён муаррифӣ намояд. Сабаби дигари гузоштани тоқиро Муҳаммад дар яке аз мусоҳибаҳояш чунин қайд кардааст:
“Ин тоқиро аз соли 2012 инҷониб, вақте дар Чемпионати ҷаҳон аз риштаи таэквандо нишони тилло ба даст овардам, бо худ нигоҳ медорам. Он ҷо ман бо ин тоқӣ қаҳрамониро таҷлил карда будам. Барои ҳамин, ин тоқӣ бароям азиз аст ва хотираҳои рангинро ба ёди ман меорад”.
ОХИРСУХАН
Орзу барои талош ва талош барои муваффақият. Ин ду падидаест, ки агар ҳар касе дорандаи онҳост, ба мақсади хеш хоҳад расид. Муҳаммад Наимов ин нуктаро бо шомил шудан ба UFC исбот намуд. Ӯ нафаре буд, ки орзу дошт, рӯзе дар UFC баромад намояд ва барои ин орзуи худ талоши беандоза намуд. Ҳоло бошад, орзуи ӯ ҷомаи амал пӯшидааст ва Муҳаммад дар ҳашткунҷаи бонуфуз ва сертарафдори UFC баромад менамояд ва айни замон ҳаводорони худро ҳам дар дохил ва ҳам хориҷӣ кишвар ба даст овардааст.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед