Муҳиддин Асадуллоев ҷудокори тоҷик дар вазни то 73 кг дар мусобиқаи сайри ҷаҳонии ҷудо дар соли 2026 - “Paris Grand Slam 2026”, ки 7-8 феврали соли ҷорӣ доир гардид, баромади арзанда нишон дода, ба гирифтани медали биринҷии ин мусобиқот мушарраф гардид.

Муҳиддин бо ба даст овардани ин медали худ дар рӯзи якуми мусобиқаи “Paris Grand Slam 2026” дар таърихи ҷудои Тоҷикистон аввалин ҷудокоре шуд, ки аз мусобиқаҳои “Тоскулоҳи бузург”-и Париж медал ба даст овардааст.

Ин варзишгар дар “Paris Grand Slam 2026” даври аввалро озод паси сар карда, дар даври дуюм намояндаи Испания - Антон Шуҳалиеиевро мағлуб намуд. Дар марҳилаи ҳаштякниҳоӣ Муҳиддин ғалабаро бар ҷудокори мизбон Петер Ҷеан ба даст оварда, дар марҳилаи чаҳорякниҳоӣ аз Мануел Ломбардои ботаҷриба аз Италия мағлуб гардид.

Асадуллоев дар марҳилаи тасаллобахш бар Йессет Куанови қазоқ ғолиб шуда, дар мубориза барои ҷойи сеюм Даййан Боулемтафеси мизбонро шикаст дода, соҳиби нишони биринҷӣ шуд.

Барои Муҳиддин Асадуллоев ин аввалин медали биринҷӣ дар мусобиқаҳои “Grand Slam” мебошад. Қаблан, Муҳиддин дар мусобиқаҳои “Grand Slam” соҳиби медали тилло ва нуқра шуда буд. Ҳамчунин, Асадуллоев медали тиллои Қаҳрамонии ҷаҳони ҷавононро низ дар хазинаи дастовардҳо дорад, ки натиҷаи беҳтарин барои ҷудокори 19-солаи тоҷик ба ҳисоб меравад.

“ҶТ”