Ҷиҳати рушд ёфтани футболи тоҷик, дар маркази ВМКБ майдони нави футбол бо шароитҳои муоссири варзишӣ мавриди баҳрабардорӣ қарор гирифт.

Майдони футбол дар ҳамбастагии Донишгоҳи Осиёи Марказӣ ва Кумитаи ҷавонон, варзиш ва сайёҳӣ дар маҳаллаи Дашти Боло сохта шуда, тарҳи он ба меъёрҳои байналмилалӣ мувофиқ аст.


Дарозии майдон наздики 105 метр буда, паҳноиаш 68 метрро ташкил медиҳад, ки дар он метавон ҳатто мусобиқаҳои сатҳи ҷаҳониро гузаронд.

Ба гуфти Директори Донишгоҳи Осиёи Марказӣ дар вилоят, Диловар Буттабеков, чунин майдон дар нақшаи куллии донишгоҳи мазкур қарор дошта, феълан барои истифодабарӣ дар ихтиёри футболбозони вилоят супорида шуд.



Ҳамзамон 14 тими мунтахаб аз ҳисоби варзишгарони шаҳру навоҳии ВМКБ бо ташаббуси Кумитаи ҷавонон ва ташкилоти Гӯшаи Амрико дар Хоруғ таъсис дода шуда, сабқати вилоятӣ дар майдони тозаифтитоҳ то охирҳои моҳи июл идома меёбад.

Тимҳои нав ба таври зайл муайян карда шуданд:

Гурӯҳи А                                             Гурӯҳи Б
1)М. С. Абдураҳмон                         1)М. Селхозтехника
2)М. Носири Хусрав                         2)М. С. Абдулло
3)Ҷавонон ва варзиш                       3)М. Заводи Нон
4)М. Фурудгоҳ

Гурӯҳи В                                             Гурӯҳи Г
1)М. Тирчид                                       1)М. Гӯлобод
2)Дашти Боло                                    2)М. Ниводак
3)М. Хуфак                                         3)М. Варзишӣ
4) М. Хичордев