Дар ноҳияи Тоҷикобод дар доираи нақшаи чорабиниҳои тасдиқнамудаи Кумитаи кор бо ҷавонон ва варзиш бо усули "деҳа ба деҳа" ва "маҳалла ба маҳалла" ва бо мақсади татбиқи "Барномаи рушди футбол дар Ҷумҳурии Тоҷикистон барои солҳои 2022-2026" даври нимниҳоии мусобиқаи футбол байни деҳаҳои Нӯшор ва Сарипули ноҳия баргузор гардид.

Тавре аз Макрзаи таҳлил ва иттилооти Кумита менависанд дар бозии мазкур Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон иштирок намуда, баъд аз ҷамъбаст бо варзишгарон ва мухлисони футбол суҳбат намуд.

Ба иттилои манбаъ зимни суханронӣ раиси Кумита ҷавононро барои иштироки фаъол дар чорабиниҳои оммавӣ - варзишӣ изҳори сипос намуда, ҷиҳати боз ҳам дар сатҳи баланди ташкилӣ истиқбол намудани Рӯзи ҷавонони Тоҷикистон ва Рӯзи ҷаҳонии футбол тавсияҳои муфид дод.

Дар охир ба дастаи ғолиб – дастаи деҳаи Сарипул, ки бо ҳисоби 2:1 ғолиб омада, ба финал баромад, аз ҷониби раиси Кумита туҳфаҳои хотиравӣ тақдим карда шуд.