ВАРЗИШ
Якшанбе 28 Апрел 2024 03:22
Дар радифи дигар варзишгарони ҳангомаофару ғайриоддӣ номи голфбози машҳур, бузургтарин ситораи ҳама давру замон аз навъи варзиши голф, миллиардер Тайгер Вудс низ шомил аст.
Ин мард дар голф қуллаҳои баландтаринро фатҳ намуда, 14 карат рӯи шоҳсуфаи зафар баромадааст, ки ин натиҷа аз рекорди гузоштаи голфбоз Ҷек Никлауси 4 карат зиёдтар мебошад.
ПИСАРИ ПОЛКОВНИК
Тайгер Вудс ё Элдрик Тонт Вудс 30 декабри соли 1975 дар шаҳри Сайпресси Калифорния таваллуд шудааст. Падари варзишгар полковник Тонт Вудс шахсияти машҳури Амрико буд, ки ӯро бештар бо корнамоиҳои бемислаш дар ҷанги Ветнаму Амрико мешинохтанд. Тайгер лақаби варзишгар мебошад, ки мафҳуми палангро дорад. Ин лақаб аз ҷониби падар ба хотири дӯсти хубаш, ки ӯро дар Ветнам аз даст дода буд, гузошта шудааст.
ГОЛФБОЗӢ ДАР 9-МОҲАГӢ
Шояд ин далел дар аввал ба назар ғалатӣ намояд, аммо он ҳақиқати воқеист, ки Тайгер дар 9-моҳагӣ сақои голфро вориди нишона карда буд. Амали кӯдаки 9-моҳа, ки дуруст роҳ гашта наметавонист, ҳамаро ба ҳайрат овард. Чи гуна зарба задани Вудс тасодуфан ба дурбини як хабарнигор афдидааст, ки пас аз чунин ҳангомаофарӣ ӯ хурдтарин голфбози ҷаҳон эълон гардида, ҳатто номаш сабти Китоби рекордҳои Гиннес шуд.
Ҷомеаи Амрико дарҳол ба кӯдаки бомаҳорату ғайриоддӣ таваҷҷуҳ зоҳир намуда, ӯро зуд-зуд ба намоишҳои телевизионӣ даъват мекарданд ва давоми як сол нафаре набуд, ки Вудсро дар Амрико нашиносад.
Дар мусобиқаи байналмилалии голф дар соли 1984, ки кӯдакони 9-10-сола ширкат доштанд, Элдрик сарфи назар аз 8-сола буданаш ғолиби мусобиқа гардид ва шуруъ аз ҳамон замон аз ҳеҷ мусобиқае дасти тиҳӣ бар намегашт.
МАЙДОНИ КАСБИИ ГОЛФ
Роҳ ба унвони ситораи беҳтарини голф гардидан барои Тайгер Вудс дар назари аввал оддӣ буд, аммо танҳо худи ӯ медонад, ки барои ба ин ҳадаф расидан, чӣ қадар неруву ирода лозим аст.
Соли 1996 дар Милуоки мусобиқа байни голфбозони касбӣ баргузор шуд. Дар он ҷо Элдрик нахустин бозии худро анҷом дода, дар ҷойи 60-ум қарор гирифт, аммо танҳо ду мусобиқа басандагӣ кард, то варзишгар худро ба мақоми аввал барорад ва беҳтарин мутахассиси навовари голф гардад.
ТАМРИН БО ПРЕЗИДЕНТ
Тайгер аввалин натиҷаи ҷиддии худро дар мусобиқаи қаҳрамонии голф, ки Амрико мизбонаш буд, ба таври шоиста нишон дода, унвони ситораи голфро ба худ гирифт. Намоиши Вудс дар мусобиқаи Masters-и соли 1997 дар таърих як воқеаи муҳим буд. Матбуот дар бораи ӯ боз ҳам бештар хабару барнома таҳия мекард, ки ҳатто президенти вақти Амрико Бил Клинтон дар машғулиятҳои голфаш ӯро даъват мекард.
ҶОИЗАИ ОСКАР
Соли 2000-ум Тайгер Вудс беҳтарин голфбози ҷаҳон дониста шуд. Пас аз як сол, ӯ обрӯи худро бо гирифтани ҷоизаи Оскар ҳамчун беҳтарин нақшофар дар филми мустанади “Саргузашти Тайгер” мустаҳкам кард, ки дар ин рос-то Голф барои Вудси ҷавон на танҳо як варзиши писандида, балки маънои ҳаёт ва даромади ҳангуфт гардида буд.
ГОЛФБОЗИ 10 СОЛИ ОХИР
Соли 2005 пас аз оиладор гардидан, Тайгер бо руҳияи тоза ба майдони голф баргашт ва худи ҳамон мавсим дар рақобатҳои Мастерс Голф боз ҳам сазовори мақоми аввал гардид.
Қайд кардан зарур аст, ки Тайгер дар тӯли фаъолияти хеш 93 ғалаба ба даст овардааст, ки 71-тои он аз мусобиқаҳои бунуфузи ҷаҳониянд. Ба иттилои Ассошиэйтед Пресс, дар соли 2009 Вудс беҳтарин унвони голфбози 10 соли охирро гирифта буд.
НИШОНИ “ОЗОДӢ”
Дар соли 2016, Вудс пас аз табобати 15-моҳа ба майдони голф баргашт, аммо аз байни 18 иштирокчӣ мақоми 15-умро ишғол намуд, ки ин бадтарин натиҷа дар корномаи варзишиаш буд. Нокомиҳо давоми се сол пайи ҳам Тайгерро пайгирӣ намуд ва танҳо соли 2018 боз ҳам ба шоҳсуфаи зафар баромад. Дастовардҳои голфбозро президенти онвақтаи Амрико Доналд Трамп қадрдонӣ намуда, ба ӯ медали “Озоди”-ро тақдим кард.
ҲАЁТИ ШАХСӢ
Варзишгари ҷавон аз ибтидои фаъолияташ дар мадди назари хонумҳо қарор дошт. Бисёре аз онҳо бо ҳар роҳу восита мехостанд, дили Вудси сарватмандро ба даст оранд. Сара Фергюсон хонуми зебои амрикоӣ ҳатто барои наздик шудан ба Тайгер касби қаблии хешро ба рӯзноманигорӣ иваз кард, то тавонад дар бораи Вудс барнома таҳия намуда, ба ин восита худро ба ӯ наздик намояд. Дар қатори дӯстдорони Тайгер метавон модели машҳур Тайра Бэнкс ва теннисбоз Моника Селесро ворид кард. Аммо танҳо Ҷоанна Ҷагода, ки он замон донишҷӯ буд, муваффақ шуд, то қалби голфбозро ба худ моил созад.
Муносибати Тайгер ва Ҷоана ҳам дер давом накард, чун соли 2004 дар ҳаёти варзишгар модели шведӣ Элин Нордегрен пайдо гардид ва ин дафъа Вудс қарор дод, то бо Элин издивоҷ намояд. Маросими арӯсии голфбоз дар меҳмонсарои машҳури Барбадос баргузор гардид, ки меҳмонхонаи зеборо бо арзиши 200 ҳазор доллар ба иҷора гирифта буд, ки танҳо минбари шоҳу арусро 11 ҳазор садбарги зиндаи табиӣ оро медод. Харҷи умуми тӯйи варзишгарро хабарнигорон 2 млн. доллар рақам зада буданд. Варзишгар пас аз маросими арӯсӣ ба ҳамсари худ яхта бо арзиши 20 млн. долларро ҳадя кард, ки гаронтарин туҳфа ба ҳамсар то он замон унвон мегардид.
Соли 2006 зиндагии Вудсро марги ногаҳонии падар тираву тор кард. Ягона роҳбару роҳнамояш ба таври ҳамешагӣ ӯро тарк кард. Ба хотири поси хотир ва эҳтиром ба падар соли 2007 варзишгар академияи голфро дар зодгоҳаш ифтитоҳ намуда, ба он номи падарашро гузошт.
Тобистони соли 2007 зиндагии Тайгер ранги дигар пайдо кард, чун ҳамсараш нахустфарзандро ба ӯ ҳадя намуд ва варзишгар ба духтари навзодаш Алексис ном ниҳод.
Дар оғози соли 2009 писари варзишар Чарли ба дунё омад ва бо ҳамин оғози зиндагии афсонавии варзишгар хотима ёфт, зеро ҳамон мавсим голфбоз ба садама дучор гардида, сахт ҷароҳат бардошт. Пас аз шифо ёфтан ҳамсари варзишгар бо далели бетаваҷҷуҳии Вудс ба оила ва хиёнат аз варзишгар ҷудо гардида, 100 млн. Доллар ҷубронпулӣ низ гирифт, ки чунин ҷубронпулии бемисл то дер боз вирди забони рӯзноманигорон буд.
Соли 2013 голфбоз бо лижарон, чемпиони олимпӣ Линдси Вонн вохӯрд. Муносибати онҳо 2 сол давом кард, ки пас аз он дар ҳаёти шахсии голфбоз тағйироти дигар ба амал омад. Дӯстдоштаи нави варзишгар Кристин Смит ҷойгузини Вон гардид, ки то кунун канори Вудс қарор дорад.
АЗИЯТ АЗ ДАРДИ СУТУНМУҲРА ВА САДАМАИ НОГАҲОНӢ
Соли 2014 голфбози рақами яки ҷаҳонро дарди шадиди сутунмуҳра домангир шуд, ки ин омил ӯро аз якчанд мусобиқаҳои бонуфуз дур кард. Чемпион борҳо кӯшиш кард, то худро солим нишон диҳад, вале ҳар замон дарди шадид ӯро ором намегузошт ва маҷбур мешуд, то аз мусобиқаҳо даст кашад. Дар тӯли 3 сол Вудс 3 маротиба ҷарроҳии сутунмӯҳраро аз сар гузаронид.
Дар аввали соли 2021 голфбози машҳур дар наздикии Лос-Анҷелес дигарбора ба садама дучор шуд. Паланг сабаби садамаро ёд надорад, аммо ба ақидаи мутахассисон варзишгар дар вақти сархушӣ суръатро хеле зиёд карда, идораи худравро аз даст додааст.
Пас аз рухсатӣ аз беморхона, Тайгер ба Флорида баргашт. Бино ба гуфтаи ҷарроҳи ортопеди, Билл Маллон, бозингар бояд чанд моҳро дар бистар мегузаронид, аммо моҳи апрели 2021, Вудс бо асобағал дар мазҳари ом намоён шуд. Варзишгар акси худро пас аз ба по бархостан, дар саҳифаи Instagram-аш нашр карда, изҳор дошт, ки ба таври абад ба корномаи голфбозӣ падруд мегӯяд.
АВВАЛИН ВАРЗИШГАРИ МИЛЛИАРДЕР
Дар мавриди сармояи варзишгар агар сухан ронем, метавон гуфт, ки Вудс нахустин варзишгари миллиардер мебошад, ки ҳанӯз сармояаш дар соли 2009 ба як млрд. доллар расида буд. Дар ҳоли ҳозир бошад, Тайгер бо сармояи 1 миллиарду 800 миллион доллар байни варзишгарон дар тӯли таърих пас аз М. Ҷордан дар мақоми дуввум қарор дошта, аз рӯи унвону ҷоизаҳо дар самти голф бошад, касе то кунун ба пои ин нобиғаи беҳамто нарасидааст.
Яҳё МАҲМАДНАБИЕВ, “ҶТ”
Ин мард дар голф қуллаҳои баландтаринро фатҳ намуда, 14 карат рӯи шоҳсуфаи зафар баромадааст, ки ин натиҷа аз рекорди гузоштаи голфбоз Ҷек Никлауси 4 карат зиёдтар мебошад.
ПИСАРИ ПОЛКОВНИК
Тайгер Вудс ё Элдрик Тонт Вудс 30 декабри соли 1975 дар шаҳри Сайпресси Калифорния таваллуд шудааст. Падари варзишгар полковник Тонт Вудс шахсияти машҳури Амрико буд, ки ӯро бештар бо корнамоиҳои бемислаш дар ҷанги Ветнаму Амрико мешинохтанд. Тайгер лақаби варзишгар мебошад, ки мафҳуми палангро дорад. Ин лақаб аз ҷониби падар ба хотири дӯсти хубаш, ки ӯро дар Ветнам аз даст дода буд, гузошта шудааст.
ГОЛФБОЗӢ ДАР 9-МОҲАГӢ
Шояд ин далел дар аввал ба назар ғалатӣ намояд, аммо он ҳақиқати воқеист, ки Тайгер дар 9-моҳагӣ сақои голфро вориди нишона карда буд. Амали кӯдаки 9-моҳа, ки дуруст роҳ гашта наметавонист, ҳамаро ба ҳайрат овард. Чи гуна зарба задани Вудс тасодуфан ба дурбини як хабарнигор афдидааст, ки пас аз чунин ҳангомаофарӣ ӯ хурдтарин голфбози ҷаҳон эълон гардида, ҳатто номаш сабти Китоби рекордҳои Гиннес шуд.
Ҷомеаи Амрико дарҳол ба кӯдаки бомаҳорату ғайриоддӣ таваҷҷуҳ зоҳир намуда, ӯро зуд-зуд ба намоишҳои телевизионӣ даъват мекарданд ва давоми як сол нафаре набуд, ки Вудсро дар Амрико нашиносад.
Дар мусобиқаи байналмилалии голф дар соли 1984, ки кӯдакони 9-10-сола ширкат доштанд, Элдрик сарфи назар аз 8-сола буданаш ғолиби мусобиқа гардид ва шуруъ аз ҳамон замон аз ҳеҷ мусобиқае дасти тиҳӣ бар намегашт.
МАЙДОНИ КАСБИИ ГОЛФ
Роҳ ба унвони ситораи беҳтарини голф гардидан барои Тайгер Вудс дар назари аввал оддӣ буд, аммо танҳо худи ӯ медонад, ки барои ба ин ҳадаф расидан, чӣ қадар неруву ирода лозим аст.
Соли 1996 дар Милуоки мусобиқа байни голфбозони касбӣ баргузор шуд. Дар он ҷо Элдрик нахустин бозии худро анҷом дода, дар ҷойи 60-ум қарор гирифт, аммо танҳо ду мусобиқа басандагӣ кард, то варзишгар худро ба мақоми аввал барорад ва беҳтарин мутахассиси навовари голф гардад.
ТАМРИН БО ПРЕЗИДЕНТ
Тайгер аввалин натиҷаи ҷиддии худро дар мусобиқаи қаҳрамонии голф, ки Амрико мизбонаш буд, ба таври шоиста нишон дода, унвони ситораи голфро ба худ гирифт. Намоиши Вудс дар мусобиқаи Masters-и соли 1997 дар таърих як воқеаи муҳим буд. Матбуот дар бораи ӯ боз ҳам бештар хабару барнома таҳия мекард, ки ҳатто президенти вақти Амрико Бил Клинтон дар машғулиятҳои голфаш ӯро даъват мекард.
ҶОИЗАИ ОСКАР
Соли 2000-ум Тайгер Вудс беҳтарин голфбози ҷаҳон дониста шуд. Пас аз як сол, ӯ обрӯи худро бо гирифтани ҷоизаи Оскар ҳамчун беҳтарин нақшофар дар филми мустанади “Саргузашти Тайгер” мустаҳкам кард, ки дар ин рос-то Голф барои Вудси ҷавон на танҳо як варзиши писандида, балки маънои ҳаёт ва даромади ҳангуфт гардида буд.
ГОЛФБОЗИ 10 СОЛИ ОХИР
Соли 2005 пас аз оиладор гардидан, Тайгер бо руҳияи тоза ба майдони голф баргашт ва худи ҳамон мавсим дар рақобатҳои Мастерс Голф боз ҳам сазовори мақоми аввал гардид.
Қайд кардан зарур аст, ки Тайгер дар тӯли фаъолияти хеш 93 ғалаба ба даст овардааст, ки 71-тои он аз мусобиқаҳои бунуфузи ҷаҳониянд. Ба иттилои Ассошиэйтед Пресс, дар соли 2009 Вудс беҳтарин унвони голфбози 10 соли охирро гирифта буд.
НИШОНИ “ОЗОДӢ”
Дар соли 2016, Вудс пас аз табобати 15-моҳа ба майдони голф баргашт, аммо аз байни 18 иштирокчӣ мақоми 15-умро ишғол намуд, ки ин бадтарин натиҷа дар корномаи варзишиаш буд. Нокомиҳо давоми се сол пайи ҳам Тайгерро пайгирӣ намуд ва танҳо соли 2018 боз ҳам ба шоҳсуфаи зафар баромад. Дастовардҳои голфбозро президенти онвақтаи Амрико Доналд Трамп қадрдонӣ намуда, ба ӯ медали “Озоди”-ро тақдим кард.
ҲАЁТИ ШАХСӢ
Варзишгари ҷавон аз ибтидои фаъолияташ дар мадди назари хонумҳо қарор дошт. Бисёре аз онҳо бо ҳар роҳу восита мехостанд, дили Вудси сарватмандро ба даст оранд. Сара Фергюсон хонуми зебои амрикоӣ ҳатто барои наздик шудан ба Тайгер касби қаблии хешро ба рӯзноманигорӣ иваз кард, то тавонад дар бораи Вудс барнома таҳия намуда, ба ин восита худро ба ӯ наздик намояд. Дар қатори дӯстдорони Тайгер метавон модели машҳур Тайра Бэнкс ва теннисбоз Моника Селесро ворид кард. Аммо танҳо Ҷоанна Ҷагода, ки он замон донишҷӯ буд, муваффақ шуд, то қалби голфбозро ба худ моил созад.
Муносибати Тайгер ва Ҷоана ҳам дер давом накард, чун соли 2004 дар ҳаёти варзишгар модели шведӣ Элин Нордегрен пайдо гардид ва ин дафъа Вудс қарор дод, то бо Элин издивоҷ намояд. Маросими арӯсии голфбоз дар меҳмонсарои машҳури Барбадос баргузор гардид, ки меҳмонхонаи зеборо бо арзиши 200 ҳазор доллар ба иҷора гирифта буд, ки танҳо минбари шоҳу арусро 11 ҳазор садбарги зиндаи табиӣ оро медод. Харҷи умуми тӯйи варзишгарро хабарнигорон 2 млн. доллар рақам зада буданд. Варзишгар пас аз маросими арӯсӣ ба ҳамсари худ яхта бо арзиши 20 млн. долларро ҳадя кард, ки гаронтарин туҳфа ба ҳамсар то он замон унвон мегардид.
Соли 2006 зиндагии Вудсро марги ногаҳонии падар тираву тор кард. Ягона роҳбару роҳнамояш ба таври ҳамешагӣ ӯро тарк кард. Ба хотири поси хотир ва эҳтиром ба падар соли 2007 варзишгар академияи голфро дар зодгоҳаш ифтитоҳ намуда, ба он номи падарашро гузошт.
Тобистони соли 2007 зиндагии Тайгер ранги дигар пайдо кард, чун ҳамсараш нахустфарзандро ба ӯ ҳадя намуд ва варзишгар ба духтари навзодаш Алексис ном ниҳод.
Дар оғози соли 2009 писари варзишар Чарли ба дунё омад ва бо ҳамин оғози зиндагии афсонавии варзишгар хотима ёфт, зеро ҳамон мавсим голфбоз ба садама дучор гардида, сахт ҷароҳат бардошт. Пас аз шифо ёфтан ҳамсари варзишгар бо далели бетаваҷҷуҳии Вудс ба оила ва хиёнат аз варзишгар ҷудо гардида, 100 млн. Доллар ҷубронпулӣ низ гирифт, ки чунин ҷубронпулии бемисл то дер боз вирди забони рӯзноманигорон буд.
Соли 2013 голфбоз бо лижарон, чемпиони олимпӣ Линдси Вонн вохӯрд. Муносибати онҳо 2 сол давом кард, ки пас аз он дар ҳаёти шахсии голфбоз тағйироти дигар ба амал омад. Дӯстдоштаи нави варзишгар Кристин Смит ҷойгузини Вон гардид, ки то кунун канори Вудс қарор дорад.
АЗИЯТ АЗ ДАРДИ СУТУНМУҲРА ВА САДАМАИ НОГАҲОНӢ
Соли 2014 голфбози рақами яки ҷаҳонро дарди шадиди сутунмуҳра домангир шуд, ки ин омил ӯро аз якчанд мусобиқаҳои бонуфуз дур кард. Чемпион борҳо кӯшиш кард, то худро солим нишон диҳад, вале ҳар замон дарди шадид ӯро ором намегузошт ва маҷбур мешуд, то аз мусобиқаҳо даст кашад. Дар тӯли 3 сол Вудс 3 маротиба ҷарроҳии сутунмӯҳраро аз сар гузаронид.
Дар аввали соли 2021 голфбози машҳур дар наздикии Лос-Анҷелес дигарбора ба садама дучор шуд. Паланг сабаби садамаро ёд надорад, аммо ба ақидаи мутахассисон варзишгар дар вақти сархушӣ суръатро хеле зиёд карда, идораи худравро аз даст додааст.
Пас аз рухсатӣ аз беморхона, Тайгер ба Флорида баргашт. Бино ба гуфтаи ҷарроҳи ортопеди, Билл Маллон, бозингар бояд чанд моҳро дар бистар мегузаронид, аммо моҳи апрели 2021, Вудс бо асобағал дар мазҳари ом намоён шуд. Варзишгар акси худро пас аз ба по бархостан, дар саҳифаи Instagram-аш нашр карда, изҳор дошт, ки ба таври абад ба корномаи голфбозӣ падруд мегӯяд.
АВВАЛИН ВАРЗИШГАРИ МИЛЛИАРДЕР
Дар мавриди сармояи варзишгар агар сухан ронем, метавон гуфт, ки Вудс нахустин варзишгари миллиардер мебошад, ки ҳанӯз сармояаш дар соли 2009 ба як млрд. доллар расида буд. Дар ҳоли ҳозир бошад, Тайгер бо сармояи 1 миллиарду 800 миллион доллар байни варзишгарон дар тӯли таърих пас аз М. Ҷордан дар мақоми дуввум қарор дошта, аз рӯи унвону ҷоизаҳо дар самти голф бошад, касе то кунун ба пои ин нобиғаи беҳамто нарасидааст.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед