26-уми ноябр дар шаҳри Гории Гурҷистон мусобиқаи қаҳрамонии Аврупо миёни бузургсолон (European Judo Championships - Champions League (W&M) 2022) баргузор гардид.

Темур Раҳимов, ҷудокори сангинвазни тоҷик дар мусобиқаи мазкур миёни бузургсолон дар ҳайати тими “Red Star”-и Сербия ба гирифтани нишони нуқра мушарраф шуд.

Ёдовар мешавем, ки тими “Red Star” дар даври ниҳоӣ аз дастаи “Fighter”-и Гурҷистон ноком шуд.

Рақобатҳои ин мусобиқа аз рӯи 10 вазн (5 вазн миёни мардон ва 5 вазн миёни занон) байни 161 ҷудокор аз 26 кишвари ҷаҳон доир шуд.

Ҳошим РАҲМАТУЛЛОЕВ, “ҶТ”