Паҳлавони номовари тоҷик Темур Раҳимов (+100 кг) дар Қаҳрамонии ҷудои Осиё бар ҷудокори индонезӣ Дарма Агастя зафар ёфта, ба даври нимниҳоӣ роҳ ёфт.

Темур дар даври аввал озод буд ва рақобатҳоро аз даври чаҳорякниҳоӣ оғоз кард.

Ёдовар бояд шуд, ки паҳлавони маъруфи тоҷик Темур Раҳимов баъди табобати тулонии ҷароҳати бардоштааш дар мавсими гузашта бори аввал дар мусобиқоти имсола иштирок мекунад.

Феълан ӯ дар феҳристи ҷаҳонӣ дар вазни беш аз 100 кило бо 5825 имтиёз баъди Инал Тасоеви русиягӣ (6200 имтиёз) дар ҷойи дувум ва дар феҳристи олимпӣ бо 3950 имтиёз дар ҷойи ҳаштум қарор дорад.