ВАРЗИШ
Якшанбе 27 Апрел 2025 06:32
Назаре ба корномаи варзишии як диловар
Фаридун Одилов варзишгарест, ки айни замон то андозае ба мақсади худ расидаасту дар ҷомеа варо мешиносанду эҳтиромаш менамоянд. Ӯ дар байни омма бо лақаби “Терминатор” машҳур буда, аз намуди варзиши муҳорибаҳои омехта қувваозмоӣ мекунад.
Фаридун бо пирӯзии чанд рӯз қабли худ ба истиқболи соли нави 2024 меравад. Ӯ дар набарди муҳорибаҳои омехта АСА 168, ки 24-уми декабр дар толори “ССКА Арена”-и шаҳри Маскав доир гардид, ғалаба ба даст овард.
Сабқати мазкур миёни Фаридун ва рақиби руси ӯ Михаил Мохнаткин дар вазни 93 кг барои роҳхат ба даври финалии Гран-прии АСА баргузор гашт. Размкори 31-солаи тоҷик дар пайти сеюми муҳориба ҳарифи худро тариқи нокаути техникӣ мағлуб намуда, ба финал роҳ ёфт. Пас аз ин мусобиқа теъдоди набардҳои Фаридун ба 22 адад баробар гардида, аз ин 18 пирӯзӣ, 2 бохт ва 2 мусовӣ дорад.
ОВОНИ КУДАКӢ
Фаридун зодаи ноҳияи Ҷаббор Расулов мебошад. Ӯ дар оилаи варзишгар ба дунё омадааст. Айни замон 31 сол дорад. Падараш устоди варзиши СССР оид ба гӯштини тарзи озод буд. Фаридун аз замони хурдсолӣ ба олами варзиш ворид шудааст. Ӯро дар ин самт падар дастгирӣ мекард. Ҳар саҳар бо падар ба давидани пагоҳирӯзӣ мерафт. Падари Фаридун аз намуди варзиши гӯштини тарзи озод баромад мекард ва ӯро низ дар ин ҷода таълим медод. Қаҳрамони мо варзишро аз гӯштини тарзи озод оғоз кард. Ӯ то синфи шаш дар назди падар таълим гирифт, аммо дар гӯштини тарзи озод то он дараҷае, ки мехост шинохта нашуд. Баъд аз синфи шашум то хатми мактаб ба варзиши самбои размӣ пардохт. Дар ин самт ӯ ба дастовардҳои назаррас ноил гашт. Фаридун дар ин ҷода панҷ маротиба ба гирифтани унвони қаҳрамони Тоҷикистон оид ба самбо, барандаи медали нуқраи Бозиҳои осиёии 2017 ва барандаи медали нуқраи Чемпионати Осиё (2017) оид ба самбо гардид.
МУҲОРИБАҲОИ БИДУНИ ҚОИДА
Фаридун дар деҳа баробари варзишгар будан, ба ҳайси омӯзгор низ фаъолият мекард. Воридшавии Фаридун ба варзиши муҳорибаҳои омехта (ММА) низ таърихи ҷолиб дорад. Ӯ бори аввал ба ивази маблағ (100 долари амрикоӣ) мубориза бурда, дар ин сабқат ба пирӯзӣ ноил гашт. Худи ӯ низ дар яке аз мусоҳибаҳояш ин нуқтаро қайд менамояд.
Ҳамин тавр, Фаридун ба муҳорибаҳои омехта рӯ овард. Одилов намунаи китоби дарсии як паҳлавони боистеъдодро мемонд, ки зуд ба варзишгари шинохта табдил ёфт. Фаъолияти касбии ӯ дар ин ҷода ба соли 2016 рост омад. Ӯ 10-уми июни соли 2016 нахустин қувваозмоии касбиашро анҷом дод. Рақиби аввалини худро бо нокаути техникӣ шикаст дод. Фаъолияти минбаъдаи Фаридун ба ин ё он ҷиҳат ба MMA иртибот пайдо кард.
Ӯ таҳти роҳбарии Раҷабалӣ Баёнов ба намуди муҳорибаи омехта гузашт. Аввал дар ин мусобиқаҳо дар Қазоқистон ва Узбекистон ҳунарнамоӣ мекард. Пас аз муддати кӯтоҳ варзишгари тоҷик имкон пайдо кард, ки ба мусобиқоти Чин рафта, худро озмояд. Дар ин ҷо низ ба якчанд ғалабаҳои пайдарпай ноил гашт.
Наздик ба соли 2019, Фаридун дар созмони GFC рафт. Дар ин ташкилот Фаридун бори аввал унвони қаҳрамони пешбарии MMA-ро дар вазни сабук ба даст овард. Пас аз як муборизаи дигар, Фаридун ба лигаи Ҳабиб Нурмагомедов - Eagles FC даъват шуд. Дар ташкилоти мазкур Фаридун панҷ рақобат намуда, ҳамаро бо ғалаба ба анҷом расонид.
ВОХӮРӢ БО ҲАБИБ НУРМАГОМЕДОВ
Пас аз ғалабаҳои пайдарпай Фаридун ба гирифтани камарбанди ташкилот ва мусобиқоти мазкур даст ёфт. Камарбандро Ҳабиб Нурмагомедов ба ӯ супурд. Пас аз ин наворҳои зиёде дар шабакаҳои иҷтимоӣ паҳн шуданд, ки бозгӯкунандаи ин ҳолат буданд. Шинохташавии Фаридун дар байни ҳаводорон низ ба ин воқеа алоқаманд гашт.
“Вохӯрии ман бо Ҳабиб Нурмагамедов замоне ба вуқуъ пайваст, ки ба гирифтани камарбанд даст ёфтам. Дар ин вақт ман хушҳол ва ҳаяҷонзада будам. Дар назди мо одамони зиёде ҷамъ омаданд. Бинобар ин, ман бо Ҳабиб зиёд суҳбат карда натавонистам. Аммо ӯ ба ман гуфт, ки хуб баромад кардаам ва барои боз ҳам беҳтар шудан, бисёртар гӯштин бигирам”, - мегӯяд Фаридун.
МУШКИЛОТ ДАР ҶОДА
Корномаи варзишии Одилов босуръат пеш мерафт ва дар назар буд, то ӯ тайи чанд вақти дигар ба яке аз муборизони машҳур табдил ёбад. Бо вуҷуди ин, пас аз муборизаи дигар, ӯ ба мушкилоти бузург дучор шуд. Дар баъзе ҳолатҳо мусобиқоти ташкилшуда лағв мешуданд ва баъзе аз рақибони интихобшуда бо сабаби захмӣ шудан, ба майдон намебаромаданд. Ин буд, ки Фаридун ба мушкилоти ҷиддӣ рӯ ба рӯ шуд. Вазнашро аз даст дод, ба мубориза баромада натавонист.
10-уми декабри соли 2021 Фаридун мебоист дар як мусобиқа бо Даурен Ермеков қувваозмоӣ намояд. Аммо Фаридун натавонист сари вақт ба Қазоқистон парвоз кунад. Иштирок накардан дар ин сабқат сабаб гашт, то Фаридун аз камарбандаш маҳрум гардад. Дере нагузашта лига эълон кард, ки шартномаи Одиловро бекор мекунад. Бо вуҷуди муддати тулонӣ набудани рақибон ва сабқатҳо, дастаи Одилов тавонист бо намояндагони яке аз лигаҳои пешрафтаи Русия - ASA тамос гирад ва варзишгарашро барои ҳунарнамоӣ дар лигаи мазкур пешниҳод намояд. Моҳи январи соли 2023 Фаридун аввалин рақобати худро дар ин лига баргузор кард. Рақиби аввалин ва дебютии ӯ Амин Нурӣ буд. Фаридун ҳарифи худро бо гузашти якуним дақиқа аз оғози сабқат таслим кард.
Пас аз чанд моҳ Фаридун рақиби дуюмро низ дар лигаи АСА шикаст дод. Рақиби навбатии ӯ Наталисио Филоро буд, ки бо тариқи нокаут ба ӯ зафар ёфт. Рақобати навбатии ӯ дар ташкилоти мазкур муқобили Вагнер Прадо (17 - 7 - 1) доир гардид. Фаридун ҳарифи худро бо усули буғӣ кардан, таслим кард ва пирӯзӣ ба даст овард. Ҳадафи асосии ӯ ворид шудан ба ташкилоти бонуфузи UFC аст ва баҳри расидан ба ин мақсад талош дорад.
Ҳошим РАҲМАТУЛЛОЕВ, “ҶТ”
Фаридун Одилов варзишгарест, ки айни замон то андозае ба мақсади худ расидаасту дар ҷомеа варо мешиносанду эҳтиромаш менамоянд. Ӯ дар байни омма бо лақаби “Терминатор” машҳур буда, аз намуди варзиши муҳорибаҳои омехта қувваозмоӣ мекунад.
Фаридун бо пирӯзии чанд рӯз қабли худ ба истиқболи соли нави 2024 меравад. Ӯ дар набарди муҳорибаҳои омехта АСА 168, ки 24-уми декабр дар толори “ССКА Арена”-и шаҳри Маскав доир гардид, ғалаба ба даст овард.
Сабқати мазкур миёни Фаридун ва рақиби руси ӯ Михаил Мохнаткин дар вазни 93 кг барои роҳхат ба даври финалии Гран-прии АСА баргузор гашт. Размкори 31-солаи тоҷик дар пайти сеюми муҳориба ҳарифи худро тариқи нокаути техникӣ мағлуб намуда, ба финал роҳ ёфт. Пас аз ин мусобиқа теъдоди набардҳои Фаридун ба 22 адад баробар гардида, аз ин 18 пирӯзӣ, 2 бохт ва 2 мусовӣ дорад.
ОВОНИ КУДАКӢ
Фаридун зодаи ноҳияи Ҷаббор Расулов мебошад. Ӯ дар оилаи варзишгар ба дунё омадааст. Айни замон 31 сол дорад. Падараш устоди варзиши СССР оид ба гӯштини тарзи озод буд. Фаридун аз замони хурдсолӣ ба олами варзиш ворид шудааст. Ӯро дар ин самт падар дастгирӣ мекард. Ҳар саҳар бо падар ба давидани пагоҳирӯзӣ мерафт. Падари Фаридун аз намуди варзиши гӯштини тарзи озод баромад мекард ва ӯро низ дар ин ҷода таълим медод. Қаҳрамони мо варзишро аз гӯштини тарзи озод оғоз кард. Ӯ то синфи шаш дар назди падар таълим гирифт, аммо дар гӯштини тарзи озод то он дараҷае, ки мехост шинохта нашуд. Баъд аз синфи шашум то хатми мактаб ба варзиши самбои размӣ пардохт. Дар ин самт ӯ ба дастовардҳои назаррас ноил гашт. Фаридун дар ин ҷода панҷ маротиба ба гирифтани унвони қаҳрамони Тоҷикистон оид ба самбо, барандаи медали нуқраи Бозиҳои осиёии 2017 ва барандаи медали нуқраи Чемпионати Осиё (2017) оид ба самбо гардид.
МУҲОРИБАҲОИ БИДУНИ ҚОИДА
Фаридун дар деҳа баробари варзишгар будан, ба ҳайси омӯзгор низ фаъолият мекард. Воридшавии Фаридун ба варзиши муҳорибаҳои омехта (ММА) низ таърихи ҷолиб дорад. Ӯ бори аввал ба ивази маблағ (100 долари амрикоӣ) мубориза бурда, дар ин сабқат ба пирӯзӣ ноил гашт. Худи ӯ низ дар яке аз мусоҳибаҳояш ин нуқтаро қайд менамояд.
Ҳамин тавр, Фаридун ба муҳорибаҳои омехта рӯ овард. Одилов намунаи китоби дарсии як паҳлавони боистеъдодро мемонд, ки зуд ба варзишгари шинохта табдил ёфт. Фаъолияти касбии ӯ дар ин ҷода ба соли 2016 рост омад. Ӯ 10-уми июни соли 2016 нахустин қувваозмоии касбиашро анҷом дод. Рақиби аввалини худро бо нокаути техникӣ шикаст дод. Фаъолияти минбаъдаи Фаридун ба ин ё он ҷиҳат ба MMA иртибот пайдо кард.
Ӯ таҳти роҳбарии Раҷабалӣ Баёнов ба намуди муҳорибаи омехта гузашт. Аввал дар ин мусобиқаҳо дар Қазоқистон ва Узбекистон ҳунарнамоӣ мекард. Пас аз муддати кӯтоҳ варзишгари тоҷик имкон пайдо кард, ки ба мусобиқоти Чин рафта, худро озмояд. Дар ин ҷо низ ба якчанд ғалабаҳои пайдарпай ноил гашт.
Наздик ба соли 2019, Фаридун дар созмони GFC рафт. Дар ин ташкилот Фаридун бори аввал унвони қаҳрамони пешбарии MMA-ро дар вазни сабук ба даст овард. Пас аз як муборизаи дигар, Фаридун ба лигаи Ҳабиб Нурмагомедов - Eagles FC даъват шуд. Дар ташкилоти мазкур Фаридун панҷ рақобат намуда, ҳамаро бо ғалаба ба анҷом расонид.
ВОХӮРӢ БО ҲАБИБ НУРМАГОМЕДОВ
Пас аз ғалабаҳои пайдарпай Фаридун ба гирифтани камарбанди ташкилот ва мусобиқоти мазкур даст ёфт. Камарбандро Ҳабиб Нурмагомедов ба ӯ супурд. Пас аз ин наворҳои зиёде дар шабакаҳои иҷтимоӣ паҳн шуданд, ки бозгӯкунандаи ин ҳолат буданд. Шинохташавии Фаридун дар байни ҳаводорон низ ба ин воқеа алоқаманд гашт.
“Вохӯрии ман бо Ҳабиб Нурмагамедов замоне ба вуқуъ пайваст, ки ба гирифтани камарбанд даст ёфтам. Дар ин вақт ман хушҳол ва ҳаяҷонзада будам. Дар назди мо одамони зиёде ҷамъ омаданд. Бинобар ин, ман бо Ҳабиб зиёд суҳбат карда натавонистам. Аммо ӯ ба ман гуфт, ки хуб баромад кардаам ва барои боз ҳам беҳтар шудан, бисёртар гӯштин бигирам”, - мегӯяд Фаридун.
МУШКИЛОТ ДАР ҶОДА
Корномаи варзишии Одилов босуръат пеш мерафт ва дар назар буд, то ӯ тайи чанд вақти дигар ба яке аз муборизони машҳур табдил ёбад. Бо вуҷуди ин, пас аз муборизаи дигар, ӯ ба мушкилоти бузург дучор шуд. Дар баъзе ҳолатҳо мусобиқоти ташкилшуда лағв мешуданд ва баъзе аз рақибони интихобшуда бо сабаби захмӣ шудан, ба майдон намебаромаданд. Ин буд, ки Фаридун ба мушкилоти ҷиддӣ рӯ ба рӯ шуд. Вазнашро аз даст дод, ба мубориза баромада натавонист.
10-уми декабри соли 2021 Фаридун мебоист дар як мусобиқа бо Даурен Ермеков қувваозмоӣ намояд. Аммо Фаридун натавонист сари вақт ба Қазоқистон парвоз кунад. Иштирок накардан дар ин сабқат сабаб гашт, то Фаридун аз камарбандаш маҳрум гардад. Дере нагузашта лига эълон кард, ки шартномаи Одиловро бекор мекунад. Бо вуҷуди муддати тулонӣ набудани рақибон ва сабқатҳо, дастаи Одилов тавонист бо намояндагони яке аз лигаҳои пешрафтаи Русия - ASA тамос гирад ва варзишгарашро барои ҳунарнамоӣ дар лигаи мазкур пешниҳод намояд. Моҳи январи соли 2023 Фаридун аввалин рақобати худро дар ин лига баргузор кард. Рақиби аввалин ва дебютии ӯ Амин Нурӣ буд. Фаридун ҳарифи худро бо гузашти якуним дақиқа аз оғози сабқат таслим кард.
Пас аз чанд моҳ Фаридун рақиби дуюмро низ дар лигаи АСА шикаст дод. Рақиби навбатии ӯ Наталисио Филоро буд, ки бо тариқи нокаут ба ӯ зафар ёфт. Рақобати навбатии ӯ дар ташкилоти мазкур муқобили Вагнер Прадо (17 - 7 - 1) доир гардид. Фаридун ҳарифи худро бо усули буғӣ кардан, таслим кард ва пирӯзӣ ба даст овард. Ҳадафи асосии ӯ ворид шудан ба ташкилоти бонуфузи UFC аст ва баҳри расидан ба ин мақсад талош дорад.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед