ВАРЗИШ
Сешанбе 24 Январ 2017 02:04
2160
Баъд аз чанд рӯзи истироҳат 2-юми январ тими ҷавонони кишвар U-18 давраи дуюми машғулиятҳои машқию таълимиро дар доираи мусобиқаи байналмилалии аввалин ноиби президенти Федератсияи байналмилалии футбол Валентин Гранаткин оғоз кард.

Сармураббӣ Виталий Левченко ба машғулиятҳо 22 бозингар – 3 дарвозабон, 8 ҳимоятгар, 8 нимҳимоятгар ва 3 ҳамлагарро даъват кардааст. Ба рӯйхати ниҳоӣ 18 бозингар дохил мешаванд.

Машғулиятҳои футболбозони ҷавон дар шаҳри Душанбе то 7 январ идома меёбад. Сипас даста барои ширкат дар 29-ум мусобиқаи байналмилалӣ оид ба футбол ба хотираи аввалин ноиби президенти FIFA Валентин Гранаткин, ки 8-21 январ доир мегардад, ба шаҳри Санкт Петербурги Русия сафар мекунад.

Ёдовар мешавем, ки дар мусобиқа 16 дастаи мунтахаб аз футболбозони соли таваллудашон 1999 ва аз он хурд иштирок мекунанд. Дар бозии аввал тими ҷавонони Тоҷикистон бо ҳамсолони юнониашон вомехуранд. Ин бозӣ 8 январ ба нақша гирифта шудааст ва соати 14:00 ба вақти Душанбе оғоз мегардад. Шогирдони Виталий Левченко 10 январ бо тими ҷавонони Булғористон (оғози бозӣ – 16:15) ва дар бозии охири гурӯҳӣ 12 январ бо тими Эстония (оғоз – 14:00) вомехурад.  

Тими ҷавонони кишвар дар сурати аз гурӯҳ баромадан бо яке аз дастаҳои гурӯҳи “В” – Латвия, Белорус, Русия, Ҳиндустон рақобат мекунад.

Ҳайати тими ҷавонони Тоҷикистон (U-18):

Дарвозабонҳо: Далер Азизов («Регар-ТадАЗ»), Ҳомидҷон Исҳоқов («Вахш»), Меҳвар Сулаймонов («Истиқлол»);

Ҳимоятгарон: Султоншо Мирзоев («Помир»), Зиёвуддин Фузайлов, Ҳусейн Нурматов, Ҳувайдо Малиев, Ваҳдат Ханонов («Барқчӣ»), Маҳмадзарифи Абдураҳим, Манучеҳр Сафаров («Помир»), Оятулло Сафаров («Истиқлол»);

Нимҳимоятгарон: Кароматулло Саидов («Барқчӣ»), Эҳсони Пандҷшанбе, Шериддин Бобоев, Шаҳбоз Шарифӣ («Истиқлол»), Саидмухтор Азимов, Шервони Мабатшоев («Помир»), Далер Ёдгоров («Барқчӣ»), Умарҷон Шарипов («Вахш»);

Ҳамлагарон: Нуриддин Ҳамроқулов («Барқчӣ»), Шаҳром Самиев («Помир»), Мубинҷон Муминов («Хуҷанд»).

Роҳбарият: Меҳроҷиддин Холов – менеҷер, Виталий Левченко – сармураббӣ, Раҳматулло Фузайлов – мураббии калон, Амоншо Содатсайров – мураббии дарвозабонҳо, Абдусаттор Қаландаров – табиб, Ҷамшед Хушмуродов – масҳгар, Иброҳим Валиев – коргузор.

Эзоҳи худро нависед



Рамзҳо дар расм