ВАРЗИШ
Панҷшанбе 26 Май 2022 07:57
1766
Тими ҷавонони Тоҷикистон оид ба футбол бозии даври сеюми гурӯҳиро дар гурӯҳи "D" бо тими ҷавонони Австралия мусовӣ анҷом дода (0:0) ба даври чорякфинали чемпионати Осиё-2016, ки дар Баҳрайн ҷараён дорад, роҳ ёфт. Дар чорякфинал футболбозони ҷавони кишвар бо ҳамсолонашон аз Ҷопон вомехуранд.

Бозӣ барои футболбозони ҷавони кишвар осон набуд. Австралиягиҳо тӯбро бештар идора мекарданд. Дар дақиқаи 5-ум довар аз Қатар ба дарвозаи тими ҷавонони мо пеналтӣ таъин кард. Зарбаи 11-метраи Антони Каликаро дарвозабони тими ҷавонони кишвар Беҳрӯз Хайриев тавонист бартараф кунад. Умуман Беҳрӯз дар ин бозӣ маҳорати хуб нишон дод.



Дар дақиқаи 23-юм тӯб баъд аз зарбаи Муҳаммадҷони Ҳасан ба дасти ҳимоятгари австралиягӣ расид, аммо довар ин ҳолатро нахост бинад.

Умуман футболбозони ҷавони кишвар натиҷаи даркориро аз бозӣ ба даст оварданд.

Бозии дигари гурӯҳ миёни Узбекистон ва Чин низ бе гол ба анҷом расид.

Ҳамин тариқ Узбекистон бо 7 хол дар гурӯҳи "D" дар ҷои аввал ва Тоҷикистон бо 4 хол дар ҷои дуюм қарор гирифта, ҳар ду дастаи Осиёи Марказӣ ба даври чорякфинал роҳ ёфтанд. Дар чорякфинал тими ҷавонони кишвар бо ғолиби гурӯҳи "С" - тими ҷавонони Ҷопон вомехурад. Ин бозӣ 24 октябр соати 18:15 ба вақти Душанбе шуруъ мегардад.

Дар бозиҳои дигари даври чорякфинал Баҳрайн бо Ветнам, Ироқ бо Арабистони Саудӣ ва Узбекистон бо Эрон рақобат мекунанд.

Дар сурати ғалаба бар тими ҷавонони Ҷопон дастаи мунтахаби ҷавонони кишвар ба чемпионати ҷаҳон-2017, ки дар Кореяи Ҷанубӣ баргузор мешавад, роҳхат мегирад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Май 2022 c.