Дар маҳаллаи Хоруғи Болои шаҳри Хоруғ миёни 12 дастаи ҷавонони шаҳр мусобиқаи волейбол баргузор гардид.

Чорабинии варзиширо Бахши кор бо ҷавонон ва варзиши шаҳр гузаронида, ғолибони он бо медал, ифтихорнома ва мукофотҳои хотиравии бахш қадрдонӣ шуданд.

Мувофиқи натиҷаҳои даври ниҳоӣ дастаи “Хоруғи боло” сазовори ҷойи аввалу тимҳои “Сайфулло Абдулло” ва “Султони Валӣ” зинаҳои дуюм ва сеюмро соҳиб гаштанд.

Мудири бахш Имомёрбек Имомёрбеков гуфт, ки дигар чорабиниҳои солимгардонӣ, аз қабили машқҳои пагоҳирӯзӣ низ дар маҳаллаҳои шаҳр бомаром мегузаранд.