Дастаи мунтахаби Тоҷикистон таҳти роҳбарии мутахассиси гурҷӣ Гела Шекиладзе барои бозии сеюми даври дуюми марҳилаи интихобии Ҷоми ҷаҳон-2026 шаҳри Риёзи Арабистони Саудӣ расид.

Дар ин бора Федератсияи футболи Тоҷикистон хабар дод.

Дар ин марҳила Тоҷикистон дар гурӯҳи “G” муқобили тими миллии Арабистони Саудӣ бозӣ ҳохад кард.

Ба ҳайати мунтахаби Тоҷикистон 25 бозигар – 3 дарвозабон, 8 ҳимоятгар, 10 нимҳимоятгар ва 4 ҳамлагар шомиланд, ки аз ин шумора 23 нафар ба дархости ниҳоӣ шомил хоҳанд шуд.

Қобили зикр аст, ки бозии интихобии Ҷоми ҷаҳон-2026 миёни дастаҳои мунтахаби Арабистони Саудӣ ва Тоҷикистон 21 март дар варзишгоҳи Донишгоҳи Шоҳ Сауд баргузор шуда, соати 23:59 ба вақти Душанбе оғоз мешавад.