Бозии финалии миёни дастаи футболи “Истиқлол”-и Тоҷикистон ва дастаи “Эйр Форс”-и Ироқ 4 ноябр, соати 18:00, дар Варзишгоҳи марказии шаҳри Ҳисор доир мегардад.

Роҳбарияти дастаи “Истиқлол” барои мухлисонаш автобусҳои ройгон ташкил менамояд. Мухлисон метавонанд, дар се минтақа: Маркази савдои “Садбарг”, Варзишгоҳи марказӣ ва назди бозори “Саховат” ҷамъ омада, тариқи автобусҳои ройгон то Варзишгоҳи шаҳри Ҳисор ва пас аз анҷоми бозӣ боз ба шаҳри Душанбе интиқол ёбанд.

Қабл аз оғози сабқати таърихӣ дар варзишгоҳ бо иштироки сарояндагони эстрадаи тоҷик баҳри болидаруҳии мухлисон консерт баргузор мешавад.

Фурӯши чиптаҳо дар хазинаи ду варзишгоҳ- Варзишгоҳи марказии шаҳри Душанбе ва Варзишгоҳи марказии шаҳри Ҳисор, мағозаҳои расмии “Истиқлол” ва “Joma”, ки дар суроғаи хиёбони Рӯдакӣ-85 ҷойгир мебошанд, ба роҳ монда шудааст. Қимати чиптаҳо барои сектори 1 ва 2-юм 20 сомонӣ, барои секторҳои боқимонда 10 сомонӣ аст.