Аз 20-ум то 27-уми августи соли ҷорӣ дар Варзишгоҳи марказии шаҳри Ҳисор Чемпионати Ассотсиатсияи футболи Осиёи Марказӣ (CAFA) байни дастаҳои наврасони то 17 сола баргузор гардид. Дар чемпионати мазкур дастаҳо аз кишварҳои Тоҷикистон, Афғонистон, Узбекистон, Эрон ва Қирғизистон иштирок карданд. Футболбозони тимми мунтахаби мо бо гирифтани 9 имтиёз ба садри ҷадвали рақобатҳо баромада, нишони зарин ва ҷоми мусобиқаро моли худ карданд.

Дар ин сабқатҳо тимми мунтахаби мо бо се ғалаба ва як бохт садрнишини ҷадвал гардид. Сабқатҳои мунтахаби мо:

Тоҷикистон – Афғонистон 3 – 1

Тоҷикистон – Қирғизистон 4 – 1

Тоҷикистон – Узбекистон 2 – 0

Тоҷикистон – Эрон 0 – 1

Ёдовар бояд шуд, ки Узбекистон низ дар ин сабқатҳои мазкур 9 имтиёзро ба даст овард, аммо аз сабаби бохт дар сабқат бо Тоҷикистон дар зинаи дуюм мавқеъ гирифта, тимми мунтахаби мо садрнишини ҷадвал ва соҳиби ҷоми мусобиқа гардид.

Ҳошим РАҲМАТУЛЛОЕВ, “ҶТ”