ВАРЗИШ
Якшанбе 16 Декабр 2018 06:55
5145
Дар раддабандии нави Федератсияи байналмилалии футбол (ФИФА) тими мунтахаби Тоҷикистон бо касби 1161 хол дар зинаи 118-ум ҷой гирифт.

Мавқеи дастаҳои тими мунтахаб дирӯз, 29-уми ноябр дар сомонаи расмии ФИФА нашр шуд.

Дар сегонаи аввал дастаи Белгия бо 1727 имтиёз садрнишин буда, Фаронса бо 1726 хол дар зинаи дуюм ва Бразилия бо 1676 имтиёз дар ҷои сеюм ҷойгир шудаанд.

Миёни дастаҳои мунтахаби кишварҳои Осиё бошад, тими миллии Тоҷикистон дар мақоми 22-юм мебошад. Дар Осиё мунтахаби Эрон пешсаф аст ( дар ҷаҳон бо 1481 имтиёз дар зинаи 29-ум), Австралия дар мақоми дуюм (дар ҷаҳон 41-ум, 1436 имтиёз) ва Ҷопон дар ҷои сеюм (дар ҷаҳон 50-ум, 1414 имтиёз) ҷойгиранд.

Феҳристи навбатии тими мунтахабҳои ҷаҳон 20-уми декабр нашр мегардад.

Тими мунтахаби Тоҷикистон дар ин моҳ чор бозии рафиқона баргузор менамояд.

Дидори нахустини футболбозони тоҷик 9-уми декабр дар шаҳри Доҳаи Қатар бо тими миллии Яман доир шуда, пасон рӯзҳои 13-ум ва 16-уми декабр дар шаҳри Масқат бо тими миллии Уммон ду бозии дӯстона баргузор менамояд. Бозии чоруми дӯстонаи мунтахаби миллии кишвар 20-уми декабр дар шаҳри Манама бо тими Баҳрайн мебошад.

Ситоди мураббиёни мунтахаби Тоҷикистон барои доир намудани бозиҳои рафиқона, ба ҳайат 23 футболбоз - 3 дарвозабон, 9 ҳимоятгар, 7 нимҳимоятгар ва 4 ҳамлагар даъват намудаанд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.