ВАРЗИШ
Панҷшанбе 25 Апрел 2024 05:19
14 ноябр Муассисаи давлатии мактаби ҷумҳуриявии маҳорати олии варзишӣ оид ба намудҳои гӯштин баъди таъмиру азнавсозӣ ба фаъолияти худ расман оғоз намуд.
Дар рӯзи аввали ба фаъолият оғоз кардани мактаби мазкур Аҳтам Абдуллозода, раиси Кумитаи ҷавонон, варзиш ва сайёҳӣ иштирок намуда, бо варзишгарону мураббиён суҳбати озод доир намуд. А.Абдуллозода зимни суханронӣ аз ғамхориҳои Пешвои миллат нисбати соҳаи варзиш ва варзишгарон ёдовар шуда, маҷмааи варзишии замонавиро тӯҳфаи Пешвои миллат барои варзишгарон арзёбӣ намуд. Таъкид гардид, ки варзишгарони кишвар, дар фасли сармо метавонанд тамринҳои худро бемамоният идома диҳанд. Зеро тамоми шароитҳои лозима дар толор фароҳам оварда шудааст.
-Воқеан ҳам толор бо шумо варзишгарон зебанда аст. Давоми 7 моҳе, ки дар толор таъмир мерафту мо аз рафти корҳои сохтмонӣ дидан мекардем, ин толори бо ҳашамат сарду холӣ ва дилгиркунанда буд. Имрӯз шумо варзишгарони азиз бо тамринҳои худ ба толор ҳусни дигар зам намудед. Толори беварзишгар хонаи бетифлро мемонад. Дар ҷавоби ғамхориҳои Пешвои муаззамамон аз мо танҳо меҳнати софдилона мебояду бас. Шумо бо меҳнати ҳалолу софдилонаатон метавонед муаррифгари давлату миллат дар арсаи ҷаҳон бошед.
10 ноябр Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Муассисаи давлатии мактаби ҷумҳуриявии маҳорати олии варзишӣ оид ба намудҳои гӯштин дидан намуд ва аз шароитҳои фароҳамоварда барои варзишгарон ошно гардида, барои фаъолияти он иҷозат доданд. Маҷмааи мазкур аз толори калон бо 1000 ҷойи нишаст, майдончаҳои варзишии баскетбол, гӯштин, волейбол, футболи хурд, ҷойи либосовезӣ, утоқҳои корӣ, ҳаммом ва системаи гармидиҳӣ иборат буда, баъди аз таъмири асосӣ баровардан барои масъулин имкон фароҳам омад, ки дар он мусобиқаҳои гуногуни сатҳи ҷумҳуриявӣ ва байналмилалӣ гузаронида шаванд.
Аҳтам Абдуллозода зимни суҳбати озод бо варзишгарон таъкид намуд, ки толор хонаи ҳар як варзишгари кишвар ба ҳисоб меравад ва онҳоро зарур аст, толорро ҳамчун хонаи худ тозаю озода нигоҳ доранд. Инчунин дар давоми суҳбат ба мураббиён гуфта шуд, ки варзишгаронро дар рӯҳияи ватандӯстию инсонгароӣ тарбия намоянд. Ҳамчун намуна аз одобу рафтор ва хислатҳои ҳамидаи Қаҳрамони XXXI бозиҳои тобистонаи олимпӣ, Дилшод Назаров ёдовар шуданд.
-Варзишгар бояд бо хислату рафтори намунавӣ дар ҷомеа барои дигарон намунаи ибрат бошад. Шумо варзишгарон муаррифгари миллату давлат мебошед. Дар баробари таваҷҷуҳи Ҳукумати кишвар инчунин ҳар яки шумо бояд ба худатон таваҷҷуҳи хоса зоҳир намоед. Солимии шумо барои мо аз садҳо медал боло меистад гуфт,-А.Абдуллозода
Гуфта шуд, ки зимни боздиди сарвари давлат муҳтарам Эмомалӣ Раҳмон аз шароиту имкониятҳои толори барҳавои маҷмааи варзишӣ ба масъулини соҳаи варзиш барои рушди ин бахш, ҷалби ҷавонон ба намудҳои гуногуни варзиш ва тарғиби тарзи ҳаёти солим дастуру ҳидоятҳои судманд дода, инчунин супоришиш доданд, ки дар паҳлуи Мактаби ҷумҳуриявии маҳорати олии варзишӣ оид ба намудҳои гӯштин ду толори замонавӣ, яке барои футбол ва дигаре барои намудҳои гӯштин дар кӯтоҳтарин муҳлат сохта шавад.
Ёдовар мешавем, ки бинои Муассисаи давлатии мактаби ҷумҳуриявии маҳорати олии варзишӣ оид ба намудҳои гӯштин аз тарафи Корхонаи давлатии сохтмону васлкунии рақами 2 — и Вазорати корҳои дохилии Ҷумҳурии Тоҷикистон дар ҳамкорӣ бо соҳибкорони ватандӯст бо сарфи беш аз 3 миллион сомонӣ аз таъмир бароварда шуд.
Дар рӯзи аввали ба фаъолият оғоз кардани мактаби мазкур Аҳтам Абдуллозода, раиси Кумитаи ҷавонон, варзиш ва сайёҳӣ иштирок намуда, бо варзишгарону мураббиён суҳбати озод доир намуд. А.Абдуллозода зимни суханронӣ аз ғамхориҳои Пешвои миллат нисбати соҳаи варзиш ва варзишгарон ёдовар шуда, маҷмааи варзишии замонавиро тӯҳфаи Пешвои миллат барои варзишгарон арзёбӣ намуд. Таъкид гардид, ки варзишгарони кишвар, дар фасли сармо метавонанд тамринҳои худро бемамоният идома диҳанд. Зеро тамоми шароитҳои лозима дар толор фароҳам оварда шудааст.
-Воқеан ҳам толор бо шумо варзишгарон зебанда аст. Давоми 7 моҳе, ки дар толор таъмир мерафту мо аз рафти корҳои сохтмонӣ дидан мекардем, ин толори бо ҳашамат сарду холӣ ва дилгиркунанда буд. Имрӯз шумо варзишгарони азиз бо тамринҳои худ ба толор ҳусни дигар зам намудед. Толори беварзишгар хонаи бетифлро мемонад. Дар ҷавоби ғамхориҳои Пешвои муаззамамон аз мо танҳо меҳнати софдилона мебояду бас. Шумо бо меҳнати ҳалолу софдилонаатон метавонед муаррифгари давлату миллат дар арсаи ҷаҳон бошед.
10 ноябр Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Муассисаи давлатии мактаби ҷумҳуриявии маҳорати олии варзишӣ оид ба намудҳои гӯштин дидан намуд ва аз шароитҳои фароҳамоварда барои варзишгарон ошно гардида, барои фаъолияти он иҷозат доданд. Маҷмааи мазкур аз толори калон бо 1000 ҷойи нишаст, майдончаҳои варзишии баскетбол, гӯштин, волейбол, футболи хурд, ҷойи либосовезӣ, утоқҳои корӣ, ҳаммом ва системаи гармидиҳӣ иборат буда, баъди аз таъмири асосӣ баровардан барои масъулин имкон фароҳам омад, ки дар он мусобиқаҳои гуногуни сатҳи ҷумҳуриявӣ ва байналмилалӣ гузаронида шаванд.
Аҳтам Абдуллозода зимни суҳбати озод бо варзишгарон таъкид намуд, ки толор хонаи ҳар як варзишгари кишвар ба ҳисоб меравад ва онҳоро зарур аст, толорро ҳамчун хонаи худ тозаю озода нигоҳ доранд. Инчунин дар давоми суҳбат ба мураббиён гуфта шуд, ки варзишгаронро дар рӯҳияи ватандӯстию инсонгароӣ тарбия намоянд. Ҳамчун намуна аз одобу рафтор ва хислатҳои ҳамидаи Қаҳрамони XXXI бозиҳои тобистонаи олимпӣ, Дилшод Назаров ёдовар шуданд.
-Варзишгар бояд бо хислату рафтори намунавӣ дар ҷомеа барои дигарон намунаи ибрат бошад. Шумо варзишгарон муаррифгари миллату давлат мебошед. Дар баробари таваҷҷуҳи Ҳукумати кишвар инчунин ҳар яки шумо бояд ба худатон таваҷҷуҳи хоса зоҳир намоед. Солимии шумо барои мо аз садҳо медал боло меистад гуфт,-А.Абдуллозода
Гуфта шуд, ки зимни боздиди сарвари давлат муҳтарам Эмомалӣ Раҳмон аз шароиту имкониятҳои толори барҳавои маҷмааи варзишӣ ба масъулини соҳаи варзиш барои рушди ин бахш, ҷалби ҷавонон ба намудҳои гуногуни варзиш ва тарғиби тарзи ҳаёти солим дастуру ҳидоятҳои судманд дода, инчунин супоришиш доданд, ки дар паҳлуи Мактаби ҷумҳуриявии маҳорати олии варзишӣ оид ба намудҳои гӯштин ду толори замонавӣ, яке барои футбол ва дигаре барои намудҳои гӯштин дар кӯтоҳтарин муҳлат сохта шавад.
Ёдовар мешавем, ки бинои Муассисаи давлатии мактаби ҷумҳуриявии маҳорати олии варзишӣ оид ба намудҳои гӯштин аз тарафи Корхонаи давлатии сохтмону васлкунии рақами 2 — и Вазорати корҳои дохилии Ҷумҳурии Тоҷикистон дар ҳамкорӣ бо соҳибкорони ватандӯст бо сарфи беш аз 3 миллион сомонӣ аз таъмир бароварда шуд.
Хабарҳои дигар
Рӯзнома
Эзоҳи худро нависед