Ба ифтихори Рӯзи варзишгарон 150 нафар варзишгарони Вилояти Мухтори Кӯҳистони Бадахшон бо туҳфаҳои варзишии Президенти Федератсияи футболи Тоҷикистон муҳтарам Рустами Эмомалӣ сарфароз шуданд.

Тавре аз Раёсати кор бо ҷавонон ва варзиши вилоят иттилоъ доданд, мукофотҳои варзишӣ аз қабили лавозимоту либос ва пойафзоли мардонаю занона барои бозиҳои футбол, волейболу баскетбол ва бокс аллакай дастраси варзишгарон гардид.

Мавриди зикр аст, ки бо ташаббуси Р. Эмомалӣ ва шарикони рушд ҳоло дар маркази вилоят сохтмони майдончаҳои муосири варзишӣ ҷараён дошта, тайи чанд соли охир теъдоде аз ин иншоот дар шаҳру ноҳияҳои ВМКБ мавриди баҳрабардорӣ қарор гирифтанд.