Баҳри ба даст овардани Ҷоми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон байни ҷавонони деҳаву маҳаллаҳои ноҳияи Ванҷ мусобиқаи футбол баргузор шуд.

Чорабинии варзишӣ ба ифтихори Рӯзи Президенти кишвар гузашта, ғолибонро дар бинои қасри фарҳанги ноҳия раиси ноҳия Ҷаббори Қосим бо ифтихорнома, медал, мукофотпулӣ ва туҳфаҳои варзишӣ мушарраф намуд.

Аз рӯи натиҷаҳои даври ниҳоӣ ҷои аввалро деҳаи Убари Даргов ба даст оварда соҳиби ҷом шуд. Зинаҳои дуюму сеюм бошад насиби маҳаллаҳои Хушбахти Ҳайдаршо ва Бобоҷон Ғаффуров гаштанд.

Мавриди қайд аст, ки футболбозӣ тибқи нақшаи чорабиниҳои кумита оид ба мусобиқаҳои усули деҳа ба деҳа роҳандозӣ шудааст.