ВАРЗИШ
Ҷумъа 26 Апрел 2024 09:33
Гӯштини миллӣ ва ҷудо бо нозукиҳои худ омӯзонида шаванд
Мутахасисиони соҳаи варзиш дар кишвар бар он назаранд, ки гӯштини ҷудо бо гӯштини миллии тоҷикӣ тавъам аст. Инро сабаби муваффақияти варзишгарони тоҷик дар мусобиқаҳои байналмилалӣ меҳисобанд. Ин ду намуди гӯштин аз ҷиҳати усулу тактика тарзи доштану баҳогузориҳо қариб ки як аст. Вале баъзе нозукиҳое доранд, ки мутахассисони гӯштини ҷудои тоҷик сари ин бояд андеш кунанд.
Гӯштини ҷудо шомили Бозиҳои олимпӣ аст ва варзишгарони тоҷик ҳам ба ин намуд таваҷҷуҳи махсус доранд. Дар олимпиадаҳо Тоҷикистон кӯшиш мекунад, ки қатори дигар намудҳои варзиш намояндагони худро дар риштаи ҷудо дошта бошад. Хушбахтона, ҷудокорони тоҷик то имрӯз медали биринҷии Бозиҳои олимпиро аз рӯи ин намуди варзиш ба Ватан овардаанд, ки ба номи Расул Боқиев муҳр зада шудааст.
Барои равнақ ёфтани ҷудо дар кишвар шуруъ аз соли 2013 мусобиқаи байналмилалӣ барои дарёфти Ҷоми Президенти Ҷумҳурии Тоҷикистон доир мешавад ва дар он паҳлавонони маъруфи ҷаҳон иштирок мекунанд. Имсол, 5 октябр чорумин мусобиқаи байналмилалӣ барои дарёти Ҷоми Президенти Ҷумҳурии Тоҷикистон дар шаҳри Ваҳдат баргузор гардид. Баъди талошҳои варзишгарон Ҷом насиби гӯштингири украинӣ Станислав Бандаренко гашт.
Ҳарчанд аз 45 варзишгари иштирокчӣ аксариятро варзишгарони тоҷик ташкил медод, аммо онҳо натавонистанд хотири ҳаводорони ҷудои кишварро шод гардонанд.
Аксар варзишгарони ҷудокори тоҷик эҳтиёҷ ба омӯзиш доранд. Инро худи онҳо дар мусобиқаи зикргардида исбот намуданд. Дар ҳунарнамоии онҳо мушоҳида мешуд, ки аз нозукиҳои ин намуди гӯштин пурра огоҳ нестанд. Бахусус, дар ҳолати партерӣ кор кардан. Аксар варзишгарони мо дар ин мусобиқа муҳорибаҳоро аз ҳолати партерӣ ба бохт ҷамбаст намуданд.
Дар гӯштини миллии тоҷикӣ баъди зонуи варзишгар ба замин расидан сабқат қатъ мегардад ва варзишгарон аз нав муҳорибаро оғоз мекунанд. Варзишгарони тоҷик, ки аксар зери таъсири гӯштини миллӣ ба воя расидаанд, дар гӯштини ҷудо ҳам баъди расидани зонуи ҳариф сабқатро қатъ мекунанд ва имкониятҳои мусоиди усулҳои партериро истифода намебаранд. Ҳангоми дар ҳолати партерӣ қарор гирифтан, онҳо дар ҳимоя заифанд. Ин амали онҳо барои варзишгарони дигар имконият фароҳам меорад, ки варзишгарони тоҷикро буғӣ кунанд ва ё онҳоро ба тахтапуш хобонда, сонияи муайян нигоҳ доранд, ки ин усулҳо ипон ё ғолибияти соф ҳисобида мешавад.
Ин аз он шаҳодат медиҳад, ки паҳлавонони тоҷик бо устодонашон ҳангоми тамрин бо услҳои гӯштини миллии тоҷикӣ тамрин мекунанду аз нозукиҳои ҷудо ба таври кофӣ огаҳӣ надоранд. Мутахассисони соҳа ва мураббиёнро мебояд дар машқҳои дастаҷамъӣ зиёд иштирок намуда, нозукиҳои ин намуди гӯштинро, ки шомили Бозиҳои олимпист, зиёдтар омӯзанд.
Станислав Бандаренко, варзишгари украинӣ баъди Ҷоми Президенти Тоҷикистон оид ба ҷудоро ба даст овардан дар сомонаи “judoinfo.kiev.ua» аз дӯстдории мардуми тоҷик нис¬бат ба гӯштин ҳарф зада, таъкид намудааст, “ман бори аввал дар Ҷоми Президенти Ҷумҳурии Тоҷикистон иштирок намудам ва бисёр шод баргаштам. Дар мусобиқа зиёда аз 20 ҳазор тамошобин барои тамошо ҷамъ омаданд. Ин шаҳодати он аст, ки мар¬думи тоҷик гӯштинро нағз мебинанд. Мусобиқа дар фазои кушод то соати 21 идома ёфт. Гилеми варзишӣ тар мешуд ва онро тоза мекарданд. Мусобиқа бисёр шавқовар ва хотирмон гузашт. Варзишгарони ботаҷрибаи ҷаҳон ҷамъ омада буданд. Ман бори аввал чунин мухлисию дӯстдории мардумро нисбат ба гӯштин дидам”.
Чанде пеш панҷ нафар мутахасисону мураббиёни гӯштини ҷудои Ҷопон барои машқҳои фаҳмондадиҳӣ ба Тоҷикистон ташриф оварданд. Зимни баромад тариқи ТВ “Варзиш” мутахассиси ҷопонӣ таъкид намуд, ки ин намуди гӯштин дар Тоҷикистон ба таври зарурӣ омӯзонида намешавад ва варзишгарони тоҷик аз нозукиҳои ҷудо пурра огоҳ нестанд.
Аксар мутахасисони соҳа сабаби мағлубияти варзишгарони тоҷикро дар мусобиқаҳои сатҳӣ байналмилалӣ надоштани таҷрибаи кофӣ дар ин намуди гӯштин арзёбӣ мекунанд.
Вақти он расидааст, ки Федератсияи гӯштини миллии тоҷикиро дар кишвар фаъол намуда, гӯштини миллиро дар сатҳи байналмилалӣ муаррифӣ намоему ҷудоро дар кишвар бо нозукиҳои худ ба варзишгарон омӯзонем. Ё мураббиёне, ки ба омода намудани варзишгарони тоҷик аз намуди ҷудо машғуланд, сари ин камбудиҳо андеша намоянд. Зеро қариб 70 фисади варзишгарони мо ба гӯштини миллӣ такя намуда, 50 фоиз барои мусобиқаҳои сатҳи байналмилалӣ аз намуди ҷудо омодаанд. Танҳо баъди ислоҳи ин нозукиҳо ва пурра омӯзонидани нозукиҳои ҷудо ба паҳлавонон аз онҳо метавон натиҷа интизор шуд.
Мутахасисиони соҳаи варзиш дар кишвар бар он назаранд, ки гӯштини ҷудо бо гӯштини миллии тоҷикӣ тавъам аст. Инро сабаби муваффақияти варзишгарони тоҷик дар мусобиқаҳои байналмилалӣ меҳисобанд. Ин ду намуди гӯштин аз ҷиҳати усулу тактика тарзи доштану баҳогузориҳо қариб ки як аст. Вале баъзе нозукиҳое доранд, ки мутахассисони гӯштини ҷудои тоҷик сари ин бояд андеш кунанд.
Гӯштини ҷудо шомили Бозиҳои олимпӣ аст ва варзишгарони тоҷик ҳам ба ин намуд таваҷҷуҳи махсус доранд. Дар олимпиадаҳо Тоҷикистон кӯшиш мекунад, ки қатори дигар намудҳои варзиш намояндагони худро дар риштаи ҷудо дошта бошад. Хушбахтона, ҷудокорони тоҷик то имрӯз медали биринҷии Бозиҳои олимпиро аз рӯи ин намуди варзиш ба Ватан овардаанд, ки ба номи Расул Боқиев муҳр зада шудааст.
Барои равнақ ёфтани ҷудо дар кишвар шуруъ аз соли 2013 мусобиқаи байналмилалӣ барои дарёфти Ҷоми Президенти Ҷумҳурии Тоҷикистон доир мешавад ва дар он паҳлавонони маъруфи ҷаҳон иштирок мекунанд. Имсол, 5 октябр чорумин мусобиқаи байналмилалӣ барои дарёти Ҷоми Президенти Ҷумҳурии Тоҷикистон дар шаҳри Ваҳдат баргузор гардид. Баъди талошҳои варзишгарон Ҷом насиби гӯштингири украинӣ Станислав Бандаренко гашт.
Ҳарчанд аз 45 варзишгари иштирокчӣ аксариятро варзишгарони тоҷик ташкил медод, аммо онҳо натавонистанд хотири ҳаводорони ҷудои кишварро шод гардонанд.
Аксар варзишгарони ҷудокори тоҷик эҳтиёҷ ба омӯзиш доранд. Инро худи онҳо дар мусобиқаи зикргардида исбот намуданд. Дар ҳунарнамоии онҳо мушоҳида мешуд, ки аз нозукиҳои ин намуди гӯштин пурра огоҳ нестанд. Бахусус, дар ҳолати партерӣ кор кардан. Аксар варзишгарони мо дар ин мусобиқа муҳорибаҳоро аз ҳолати партерӣ ба бохт ҷамбаст намуданд.
Дар гӯштини миллии тоҷикӣ баъди зонуи варзишгар ба замин расидан сабқат қатъ мегардад ва варзишгарон аз нав муҳорибаро оғоз мекунанд. Варзишгарони тоҷик, ки аксар зери таъсири гӯштини миллӣ ба воя расидаанд, дар гӯштини ҷудо ҳам баъди расидани зонуи ҳариф сабқатро қатъ мекунанд ва имкониятҳои мусоиди усулҳои партериро истифода намебаранд. Ҳангоми дар ҳолати партерӣ қарор гирифтан, онҳо дар ҳимоя заифанд. Ин амали онҳо барои варзишгарони дигар имконият фароҳам меорад, ки варзишгарони тоҷикро буғӣ кунанд ва ё онҳоро ба тахтапуш хобонда, сонияи муайян нигоҳ доранд, ки ин усулҳо ипон ё ғолибияти соф ҳисобида мешавад.
Ин аз он шаҳодат медиҳад, ки паҳлавонони тоҷик бо устодонашон ҳангоми тамрин бо услҳои гӯштини миллии тоҷикӣ тамрин мекунанду аз нозукиҳои ҷудо ба таври кофӣ огаҳӣ надоранд. Мутахассисони соҳа ва мураббиёнро мебояд дар машқҳои дастаҷамъӣ зиёд иштирок намуда, нозукиҳои ин намуди гӯштинро, ки шомили Бозиҳои олимпист, зиёдтар омӯзанд.
Станислав Бандаренко, варзишгари украинӣ баъди Ҷоми Президенти Тоҷикистон оид ба ҷудоро ба даст овардан дар сомонаи “judoinfo.kiev.ua» аз дӯстдории мардуми тоҷик нис¬бат ба гӯштин ҳарф зада, таъкид намудааст, “ман бори аввал дар Ҷоми Президенти Ҷумҳурии Тоҷикистон иштирок намудам ва бисёр шод баргаштам. Дар мусобиқа зиёда аз 20 ҳазор тамошобин барои тамошо ҷамъ омаданд. Ин шаҳодати он аст, ки мар¬думи тоҷик гӯштинро нағз мебинанд. Мусобиқа дар фазои кушод то соати 21 идома ёфт. Гилеми варзишӣ тар мешуд ва онро тоза мекарданд. Мусобиқа бисёр шавқовар ва хотирмон гузашт. Варзишгарони ботаҷрибаи ҷаҳон ҷамъ омада буданд. Ман бори аввал чунин мухлисию дӯстдории мардумро нисбат ба гӯштин дидам”.
Чанде пеш панҷ нафар мутахасисону мураббиёни гӯштини ҷудои Ҷопон барои машқҳои фаҳмондадиҳӣ ба Тоҷикистон ташриф оварданд. Зимни баромад тариқи ТВ “Варзиш” мутахассиси ҷопонӣ таъкид намуд, ки ин намуди гӯштин дар Тоҷикистон ба таври зарурӣ омӯзонида намешавад ва варзишгарони тоҷик аз нозукиҳои ҷудо пурра огоҳ нестанд.
Аксар мутахасисони соҳа сабаби мағлубияти варзишгарони тоҷикро дар мусобиқаҳои сатҳӣ байналмилалӣ надоштани таҷрибаи кофӣ дар ин намуди гӯштин арзёбӣ мекунанд.
Вақти он расидааст, ки Федератсияи гӯштини миллии тоҷикиро дар кишвар фаъол намуда, гӯштини миллиро дар сатҳи байналмилалӣ муаррифӣ намоему ҷудоро дар кишвар бо нозукиҳои худ ба варзишгарон омӯзонем. Ё мураббиёне, ки ба омода намудани варзишгарони тоҷик аз намуди ҷудо машғуланд, сари ин камбудиҳо андеша намоянд. Зеро қариб 70 фисади варзишгарони мо ба гӯштини миллӣ такя намуда, 50 фоиз барои мусобиқаҳои сатҳи байналмилалӣ аз намуди ҷудо омодаанд. Танҳо баъди ислоҳи ин нозукиҳо ва пурра омӯзонидани нозукиҳои ҷудо ба паҳлавонон аз онҳо метавон натиҷа интизор шуд.
Хабарҳои дигар
Рӯзнома
Эзоҳи худро нависед