Тибқи иттилои сомонаи расмии Федератсияи футболи Тоҷикистон 8-уми январи соли ҷорӣ, қуръакашии марҳилаи пешакии Ҷоми Федератсияи футболи Тоҷикистон дар маҷлисгоҳи дафтари ФФТ соати 10:00 оғоз мегардад.

Маврид ба ёдоварист, ки мусобиқаи Ҷоми ФФТ дар мамлакат аз соли 2010 то инҷониб баргузор карда мешавад. Тибқи нақшаи баргузорӣ, мусобиқа дар ду марҳила-пешакӣ ва ниҳоӣ сурат мегирад. Бояд қайд намуд, ки дар марҳилаи пешакӣ дастаҳо дар се минтақа-Душанбе, Суғд ва Хатлон бозӣ менамоянд. Ҳамчунин марҳилаи пешакӣ дар минтақааи Душанбе аз 24 то 30 январ доир карда мешавад. Баргузории қисми ниҳоии мусобиқа низ аз 9 то 21 феврал дар пойтахти мамлакат ба нақша гирифта шудааст.

Қиёмиддин МАҲМАДҶОНОВ,
“ҶТ”