ВАРЗИШ
Шанбе 20 Апрел 2024 02:54
- Қурбоналӣ, ту бояд тамринҳоро аз ин бештар намоӣ, то дар мусобиқаҳои оянда ҷоизадор шавию роҳхат ба мусобиқаҳои байналмилалиро ба даст орӣ, - мегӯяд Сайдаҳмад Раҳмонов, устоди Қурбоналӣ Саид баъди мусобиқаи вилоятӣ.
Қурбоналӣ, навраси 12-сола баъди танҳо чор моҳи тамринаш дар мусобиқаи вилоятӣ аз рӯи намуди гӯштини самбо, ки дар шаҳри Кӯлоб баргузор гардид, дар вазни 38 кило мақоми 3-юмро ишғол намуду аз устодаш на тавсиф, балки сарзаниш шунид. Зеро ӯ имкони аз ин ҳам бештар ҳунарнамоӣ карданро дошт. Сарзаниши устод Қурбоналиро барои зиёд тамрин кардан водор намуд ва ӯ баъди як соли заҳматҳояш дар мусобиқаи ҷумҳуриявӣ, ки дар шаҳри Душанбе баргузор гардид, иштирок намуда сазовори ҷои 2-юм гардид.
Қурбоналиро зарур буд, ки барои роҳхат ба даст овардан ба мусобиқаҳои байналмилалӣ қаҳрамони Тоҷикистон шавад. Ӯ пайваста барои амалӣ шудани мақсади худ кӯшиш мекард. Дере нагузашта заҳматҳои Қурбоналӣ меваи мурод ба бор овард. Соли 2012 дар шаҳри Кӯлоб мусобиқаи гӯштини самбо баргузор гардид ва Қурбоналӣ дар вазни 57 кило сазовори ҷои 1-ум ва медали тилло шуд.
Баъдан, соли 2013 дар мусобиқаи ҷумҳуриявӣ унвони қаҳрамони вазни 62 килоро соҳиб гардид. Ва аз ҷониби Кумитаи кор бо ҷавонон ва варзиш бо шаҳодатномаи Номзади Устоди варзиш қадрдонӣ шуд.
Дар соли 2013 Кумитаи кор бо ҷавонон ва варзиш беҳратинҳои самбои кишварро баҳри сафарбар намудан ба Чемпионати Осиё интихоб намуд, ки Қурбоналӣ низ шомили тими самбочиёни кишвар гардид. Ин мусобиқа дар шаҳри Сеули Корея баргузор гардид, ки Қурбоналӣ Саид дар вазни 62 кило сазовори ҷои 3-юм шуд. Ӯ баъди ин дастовард соҳиби унвони Устоди варзиши Ҷумҳурии Тоҷикистон гардид. Соли 2015 бошад, Қурбоналӣ Саид дар Ҷоми Президенти Қазоқистон соҳиби медали нуқра гашт.
Ҳамин тариқ, Қурбоналӣ Саид Устоди варзиши дараҷаи байналмилалӣ, 8 карат Қаҳрамони Ҷумҳурии Тоҷикистон аз намуди самбо мебошад. Қурбоналӣ Саид айни ҳол ба ҳайси ассистенти кафедраи тарбияи ҷисмонӣ ва методикаи таълими Донишгоҳи давлатии Кӯлоб ба номи Абӯабдуллоҳи Рӯдакӣ фаъолият дорад. Ин ҷавони 25-сола муддати панҷ соли охир таҳти роҳбарии Зариф Назриев, Мураббии шоистаи Ҷумҳурии Тоҷикистон тамрин мекунад. Қурбоналӣ орзу дорад, ки чемпиони ҷаҳон шуда, парчамбардори давлату миллат бошад. Мо низ ба ӯ муваффақият ва комгорӣ орзу менамоем ва умедворем, ки ба ин орзуи деринааш мерасад.
Рамазон РАҶАБОВ, ассистенти кафедраи тарбияи ҷисмонӣ ва методикаи таълими ДДК ба номи А. Рӯдакӣ
Қурбоналӣ, навраси 12-сола баъди танҳо чор моҳи тамринаш дар мусобиқаи вилоятӣ аз рӯи намуди гӯштини самбо, ки дар шаҳри Кӯлоб баргузор гардид, дар вазни 38 кило мақоми 3-юмро ишғол намуду аз устодаш на тавсиф, балки сарзаниш шунид. Зеро ӯ имкони аз ин ҳам бештар ҳунарнамоӣ карданро дошт. Сарзаниши устод Қурбоналиро барои зиёд тамрин кардан водор намуд ва ӯ баъди як соли заҳматҳояш дар мусобиқаи ҷумҳуриявӣ, ки дар шаҳри Душанбе баргузор гардид, иштирок намуда сазовори ҷои 2-юм гардид.
Қурбоналиро зарур буд, ки барои роҳхат ба даст овардан ба мусобиқаҳои байналмилалӣ қаҳрамони Тоҷикистон шавад. Ӯ пайваста барои амалӣ шудани мақсади худ кӯшиш мекард. Дере нагузашта заҳматҳои Қурбоналӣ меваи мурод ба бор овард. Соли 2012 дар шаҳри Кӯлоб мусобиқаи гӯштини самбо баргузор гардид ва Қурбоналӣ дар вазни 57 кило сазовори ҷои 1-ум ва медали тилло шуд.
Баъдан, соли 2013 дар мусобиқаи ҷумҳуриявӣ унвони қаҳрамони вазни 62 килоро соҳиб гардид. Ва аз ҷониби Кумитаи кор бо ҷавонон ва варзиш бо шаҳодатномаи Номзади Устоди варзиш қадрдонӣ шуд.
Дар соли 2013 Кумитаи кор бо ҷавонон ва варзиш беҳратинҳои самбои кишварро баҳри сафарбар намудан ба Чемпионати Осиё интихоб намуд, ки Қурбоналӣ низ шомили тими самбочиёни кишвар гардид. Ин мусобиқа дар шаҳри Сеули Корея баргузор гардид, ки Қурбоналӣ Саид дар вазни 62 кило сазовори ҷои 3-юм шуд. Ӯ баъди ин дастовард соҳиби унвони Устоди варзиши Ҷумҳурии Тоҷикистон гардид. Соли 2015 бошад, Қурбоналӣ Саид дар Ҷоми Президенти Қазоқистон соҳиби медали нуқра гашт.
Ҳамин тариқ, Қурбоналӣ Саид Устоди варзиши дараҷаи байналмилалӣ, 8 карат Қаҳрамони Ҷумҳурии Тоҷикистон аз намуди самбо мебошад. Қурбоналӣ Саид айни ҳол ба ҳайси ассистенти кафедраи тарбияи ҷисмонӣ ва методикаи таълими Донишгоҳи давлатии Кӯлоб ба номи Абӯабдуллоҳи Рӯдакӣ фаъолият дорад. Ин ҷавони 25-сола муддати панҷ соли охир таҳти роҳбарии Зариф Назриев, Мураббии шоистаи Ҷумҳурии Тоҷикистон тамрин мекунад. Қурбоналӣ орзу дорад, ки чемпиони ҷаҳон шуда, парчамбардори давлату миллат бошад. Мо низ ба ӯ муваффақият ва комгорӣ орзу менамоем ва умедворем, ки ба ин орзуи деринааш мерасад.
Рамазон РАҶАБОВ, ассистенти кафедраи тарбияи ҷисмонӣ ва методикаи таълими ДДК ба номи А. Рӯдакӣ
Хабарҳои дигар
Рӯзнома
Эзоҳи худро нависед