Дар толори кохи варзишии "Истиқлол"-и маркази шаҳри Гулистон 18-уми апрел мусобиқаи шаҳрӣ оид ба каратэ-до-годзю-рю гузаронида шуд.

Дар мусобиқаи мазкур зиёда аз 200 нафар наврасону ҷавонони шаҳру ноҳияҳои Гулистон, Ашт, Бобоҷон Ғафуров, Хуҷанд ва Зафаробод фаъолона иштирок намуда, байни ҳам қувваозмоӣ намуданд.

Дар мусобиқаи мазкур варзишгарони шаҳри Гулистон аз ҳама бештар натиҷаҳои назаррас нишон дода, ҳамин тавр 17 нафар ҷойи якум, 21 нафар ҷойи дуюм ва 35 нафар варзишгар ҷойи сеюмро ба даст оварданд.

Дар ҷамъбасти мусобиқа ғолибон бо диплому медал сарфароз гардонида шуданд.