Дар шаҳри Хуҷанд бахшида ба 30 - солагии Истиқлолияти давлатии Ҷумҳурии Тоҷикистон, рўзи Ваҳдати миллӣ ва Рўзи олимпӣ мусобиқаи шаҳрӣ оид ба шашка байни шахсони имконияташон маҳдуд баргузор гардид.

Мусобиқа дар чойхонаи “Сирдарё”-и шаҳри Хуҷанд доир гардида, дар он 30 нафар шахсони қувваи босираашон суст байни ҳам рақобат намуданд.

Тибқи низомнома мусобиқа ба таври олимпӣ байни мардон, занон ва наврасон гузаронида шуда, ба таъкиди масъулин ҳадаф аз баргузории он тарғибу ташвиқи тарзи ҳаёти солим, рушду инкишофи тарбияи ҷисмонӣ ва варзиш, мустаҳкам намудани алоқаи дўстӣ ва дастгирии шахсони имконияташон маъюб ба ҳисоб меравад.

Пас аз қувваозмоиҳо ғолибон муайян гардида, онҳо бо ифтихорнома, медал ва туҳфаҳои хотиравии мақомоти иҷроияи ҳокимияти давлатии шаҳр қадрдонӣ шуданд.