Дар варзишгоҳи марказии шаҳри Истаравшан мусобиқаи кушоди шаҳрӣ оид ба бокс байни ҷавонони соли таваллудашон 2003-2004, 2005-2006 ва калонсолон доир гардид.

Мусобиқа ба шарафи 50-солагии устоди варзиши Ҷумҳурии Тоҷикистон Қаҳрамон Баротов баргузор гардида, дар он зиёда аз 175 нафар муштзан аз Тоҷикистон ва аз Ҷумҳурии Ӯзбекистон ширкат варзидаанд.

Пас аз қувваозмоиҳо дар натиҷа ҷои аввалро дастаи вилояти Суғд, ҷои дуввумро дастаи вилояти Намангони Ҷумҳурии Ӯзбекистон ва ҷои саввумро дастаи вилояти Хатлон ба даст оварданд.

Дар фарҷом ғолибони мусобиқа аз тарафи Бахши кор бо ҷавонон ва варзиши шаҳри Истаравшан бо диплом, медал ва туҳфаҳои хотиравӣ қадрдонӣ шуданд.