Дар асоси нақшаи чорабиниҳои Кумитаи кор бо ҷавонон ва варзиши назди Ҳукумати ҷумҳурӣ рӯзҳои 9 ва 10 ноябри соли 2017 дар варзишгоҳи шаҳри Турсунзода мусобиқаи ҷумҳуриявӣ оид ба варзиши сабук гузаронида мешавад.

Мусобиқаи мазкур миёни варзишгарони соли таваллудашон 1998-1999 баргузор мегардад, ки он ба Рӯзи Президенти Ҷумҳурии Тоҷикистон бахшида шудааст.

Дар сабқати мазкур дар баробари қадрдониҳои Кумитаи кор бо ҷавонон ва варзиш, ҳамчунин, беҳтаринҳо ҳамчун узви дастаи мунтахаби Ҷумҳурии Тоҷикистон байни ҷавонон интихоб мегарданд.