Бахшида ба 26-солагии Истиқлолияти давлатӣ дар ҷамоати деҳоти Техарви ноҳияи Ванҷ мусобиқаи ноҳиявӣ бо иштироки зиёда аз 100 нафар варзишгар аз рӯи гуштини миллӣ байни наврасони соли таваллудашон 2003–2007 доир гардид.

Ба итиллои Масрур Ғайратов, мудири Бахши кор бо ҷавонон ва варзиши ноҳия ғайр аз ин мусобиқа ҳамчунин бо иштироки ҷавонону наврасон аксияи тарғиботии “Тарзи ҳаёти солим - асоси рушди ҷомеаи солим” баргузор шуд.

Масъулин мақсад аз баргузории чорабиниҳоро даъвати ҷавонону наврасон ба зиндагии шоиста, таҳкими муносибатҳои хайрхоҳона нисбати ҳамдигар, рӯ овардан ба иттиҳоду ҳамдилӣ ва рушди гуштини миллӣ арзёбӣ намуданд.

Машҳур ИМОМНАЗАРОВ, “ҶТ”