Ба муносибати 20-солагии Рӯзи Ваҳдати миллӣ ва “Соли ҷавонон” дар майдони варзишии маҳаллаи “Убари Даргов”-и ноҳияи Ванҷ мусобиқаи футбол баргузор гардид.

Дар мусобиқа 8 дастаи ноҳиявӣ аз ҳисоби идораву муассисаҳои маҳаллӣ байни ҳам рақобат доштанд, ки дар даври ниҳоӣ дастаи “Шуъбаи маориф” ҷои аввалро гирифт.

Ҷои дуюм ба дастаи “Беморхонаи марказӣ” ва ҷои сеюм ба тими “Соҳибкорон” насиб гардид .

Ғолибонро Масрур Ғайратов, мудири Бахши кор бо ҷавонон ва варзиши ноҳияи Ванҷ бо Ҷоми Бахш, ифтихорнома ва мукофоти пулӣ қадрдонӣ намуд.

Ба иттилои масъулини Бахши кор бо ҷавонон ва варзиши ноҳия ҳадаф аз баргузории футбол дӯстиву рафоқат байни ҷавонон, оммавӣ гардондани варзиш байни идораҳо ва таҳкими тарзи ҳаёти солим аст.

Машҳур ИМОМНАЗАРОВ, “ҶТ”