Дар варзишгоҳи марказии Ҷамоати деҳоти Маҳмадулло Абдуллоеви ноҳияи Ванҷ бо ҷалби зиёда аз 25 нафар теннисбозони ҷавону наврас мусобиқаи тенниси рӯи миз баргузор гардид.

Мусобиқа бо ташаббуси Бахши кор бо ҷавонон ва варзиши ноҳия дар ҳамкорӣ бо мақомоти иҷроияи ҳокимияти давлатии ноҳия, Раёсати кор бо ҷавонон ва варзиши ВМКБ аз рӯи усули "Деҳа ба деҳа" рӯи кор омада, ҳадаф аз баргузории он ҷалби ҳарчи бештари наврасон ва ҷавонон ба ин намуди варзишу оммавигардонии он мебошад.

Бояд гуфт, ки ғолибон ба даври ноҳиявии бозӣ роҳхат гирифтанд ва баъди анҷоми ҳамин давр беҳтаринҳо бо ифтихорномаю мукофоти гуногун қадрдонӣ карда мешаванд.