Дар асоси нақша-чорабиниҳо доир ба оммавӣ гардонидани варзиш, солимгардонӣ ва машқҳои пагоҳирӯзӣ таҳти унвони "Зебоӣ, тавоноӣ ва доноӣ аз варзиш аст" дар ноҳияи Нуробод машқҳои пагоҳирӯзӣ дар ду мавзеи ноҳия бо иштироки 236 нафар ҷавонону наврасон доир гардид.

Тавре мудири бахши кор бо ҷавонон ва варзиши ноҳия Кумиддин Бобоев иттилоъ дод мақсад аз ташкил ва баргузории чунин чорабиниҳо боз ҳам оммавитар намудани варзиш ва ҷалби бештари наврасон ба он аст.

- Мо мехоҳем, ки ҷавонони ноҳияи мо ҷисман обутоб ёфта бошанд, - изҳор дошт К. Бобоев. – Обутоби ҷисмонӣ барояшон махсусан ҳангоми адои муҳлати хизмат дар сафҳои Қувваҳои Мусаллаҳ хеле муҳим аст. Бо назардошти чунин ҳолат мо саъй дорем, чунин чорабиниҳои варзишӣ дар ҳар минтақаи бештар ба роҳ монда шаванд.